കുടിശ്ശിക തുകയായ 10,53,000 ഈടാക്കുന്നതിനായി നിലമ്പൂര്‍ താലൂക്കില്‍ ചുങ്കത്തറ വില്ലേജില്‍ ബ്ലോക്ക് 95ല്‍ റീ സര്‍വ്വേ 85/2 ല്‍  0.0202 ഹെക്ടര്‍ സ്ഥലവും 6/ 36എ നമ്പര്‍ കെട്ടിടവും ഒക്ടോബര്‍ ഒന്‍പതിന് രാവിലെ 11ന് ചുങ്കത്തറ വില്ലേജ് ഓഫീസ് പരിസരത്ത്  ലേലം ചെയ്യും.

കുടിശ്ശിക തുകയായ 67000 രൂപ ഈടാക്കുന്നതിനായി നിലമ്പൂര്‍ താലൂക്കില്‍ വെള്ളയൂര്‍ വില്ലേജില്‍ ബ്ലോക്ക് 137ല്‍ റീ സര്‍വ്വേ 105/511 ല്‍ 0.0197 ഹെക്ടര്‍ ഭൂമി ഒക്ടോബര്‍ എട്ടിന് രാവിലെ 11ന് വെള്ളയൂര്‍ വില്ലേജ് ഓഫീസ് പരിസരത്ത് ലേലം ചെയ്യും.

ഏലംകുളം ഗ്രാമ പഞ്ചായത്തിലെ എല്ലാ വീടുകളിലും ശുദ്ധമായ കുടിവെള്ളം ഉറപ്പുവരുത്തുകയെന്ന ലക്ഷ്യത്തോടെ നടപ്പാക്കിയ പദ്ധതിയുടെ സമര്‍പ്പണം വെള്ളിയാഴ്ച (സെപ്റ്റംബര്‍ 12) ജലവിഭവ വകുപ്പ് മന്ത്രി റോഷി അഗസ്റ്റിന്‍ നിര്‍വഹിക്കും. കേന്ദ്ര-സംസ്ഥാന പദ്ധതിയായ ജല ജീവന്‍ മിഷന്‍ പ്രവൃത്തിയില്‍ ഉള്‍പ്പെടുത്തി 16.36 കോടി ചെലവിലാണ് പദ്ധതി പൂര്‍ത്തിയാക്കിയത്. ഏലംകുളം ഗ്രാമപഞ്ചായത്തിലെ എല്ലാ വീടുകളിലും അങ്കണവാടികളിലും സ്‌കൂളുകളിലും  ശുദ്ധമായ കുടിവെള്ളം ലഭ്യമാക്കിയാണ്  പ്രവൃത്തി പൂര്‍ത്തീകരിച്ചത്.

ഇത്തവണത്തെ ഓണം വിപണിയിലൂടെ കുടുംബശ്രീ  നേടിയത്  3.90 കോടി രൂപ. ജില്ലാതല ഓണച്ചന്തയില്‍ നിന്നും, സിഡിഎസ് ഓണച്ചന്തകളില്‍ നിന്നുമായി 3.18 കോടി രൂപ, ജില്ലാതല ഭക്ഷ്യമേളയില്‍ നിന്നും 6.50 ലക്ഷം രൂപ, ജില്ലയിലെ 15 ബ്ലോക്കുകളില്‍ നിന്നും തിരഞ്ഞെടുത്ത 30 കഫെ കാറ്ററിംഗ് യൂണിറ്റുകള്‍ വിപണനം ചെയ്ത 5650 ഓണസദ്യകള്‍ വഴി ഒന്‍പതു ലക്ഷം രൂപ, സിഡിഎസുകള്‍ വഴി വിപണനം ചെയ്ത 9000 ഓണകിറ്റുകള്‍ വഴി 42 ലക്ഷം രൂപ, ഓണ്‍ലൈനായി വിപണനം ചെയ്ത 430 ഓണ കിറ്റുകള്‍ വഴി 3.60 ലക്ഷം രൂപ, പൂകൃഷിയിലൂടെ 13.19 ലക്ഷം രൂപ എന്നിങ്ങനെയാണ്  കുടുംബശ്രീ  3.90 കോടി രൂപ നേടിയത്.

അനധികൃത മണല്‍ കടത്തിന് പിടികൂടി തിരൂര്‍ ഡി വൈ എസ് പി ഓഫീസില്‍ സൂക്ഷിച്ചിട്ടുള്ള മണല്‍ സെപ്റ്റംബര്‍ 16ന് രാവിലെ 11 ന് തിരൂര്‍ ഡി വൈ എസ് പി ഓഫീസ് പരിസരത്ത് ലേലം ചെയ്യും. ഫോണ്‍: 0494 2422238.

പെരിന്തല്‍മണ്ണ ജില്ലാ ആശുപത്രിയിലെ ബ്ലഡ് ബാങ്കിലേക്ക് കരാര്‍ അടിസ്ഥാനത്തില്‍ സ്റ്റാഫ് നഴ്സ്, ബ്ലഡ് ബാങ്ക് ടെക്നീഷ്യന്‍ തസ്തികകളിലേക്കുള്ള അഭിമുഖം സെപ്റ്റംബര്‍ 20ന് രാവിലെ പത്തിന് ബ്ലഡ് ബാങ്ക് ഓഡിറ്റോറിയത്തില്‍ നടക്കും. ബി.എസ്.സി നഴ്സിങ്/ജിഎന്‍എം, കേരള നഴ്സസ് ആന്‍ഡ് മിഡ് വൈഫ് കൗണ്‍സില്‍ രജിസ്ട്രേഷന്‍, ബ്ലഡ് ബാങ്കില്‍ പ്രവൃത്തിപരിചയം, കംപ്യൂട്ടര്‍ പരിജ്ഞാനം എന്നീ യോഗ്യതയുള്ളവര്‍ക്ക് സ്റ്റാഫ് നഴ്സ് തസ്തികയിലേക്കും ബി.എസ്.സി. എംഎല്‍ടി/ഡിഎംഎല്‍ടി (കേരള ഗവ.

സംസ്ഥാന സർക്കാറും തദ്ദേശ സ്വയം ഭരണ വകുപ്പും സാക്ഷരത മിഷൻ അതോറിറ്റിയും ജില്ലാ പഞ്ചായത്തും ജില്ലാ സാക്ഷരതാ മിഷനും സംയുക്തമായി ലോക സാക്ഷരതാ വാരാചരണ ജില്ലാതല സമാപനം സംഘടിപ്പിച്ചു. സമാപനം ജില്ലാ പഞ്ചായത്ത് പ്രസിഡന്റ് എം.കെ. റഫീഖ ഉദ്ഘാടനം  ചെയ്തു. മലപ്പുറം ജില്ലാ പഞ്ചായത്ത് സമ്പൂർണ്ണ പത്താംതരം തുല്യത പദ്ധതി പഠിതാക്കളുടെ സംഗമവും നടന്നു. പത്ത്, പ്ലസ് വൺ, പ്ലസ്  ടു, ബ്രെയിൽ തുല്യത പഠിതാക്കളായ നൂറോളം പേരാണ് പരിപാടിയിൽ പങ്കെടുത്തത്.

സംസ്ഥാന സാമൂഹ്യനീതി വകുപ്പ് ഏര്‍പ്പെടുത്തിയ വയോസേവന പുരസ്കാരങ്ങൾക്ക് നോമിനേഷന്‍ ക്ഷണിച്ചു. വയോജനങ്ങളുടെ ക്ഷേമവും സംരക്ഷണവും  ഉറപ്പു വരുത്തുന്നതിനായി വിവിധ  പദ്ധതികളും  പ്രവര്‍ത്തനങ്ങളും നടപ്പാക്കിവരുന്ന സർക്കാർ, സർക്കാരിതര വിഭാഗങ്ങള്‍ക്കും വിവിധ കലാ-കായിക-സാംസ്‌കാരിക മേഖലകളിൽ കഴിവ് തെളിയിച്ച മുതിർന്ന പൗരന്മാർക്കുമാണ് പുരസ്കാരങ്ങൾ ലഭിക്കുക.

നിക്ഷേപക സംഗമം നാളെ (വ്യാഴം) നടക്കും

വന്‍ വ്യാവസായിക മുന്നേറ്റമെന്ന ലക്ഷ്യവുമായി 3500 കോടി രൂപയുടെ നിക്ഷേപവും 2000 തൊഴിലവസരങ്ങളുമായി നിക്ഷേപക സംഗമം നാളെ (വ്യാഴം) വൈകുന്നേരം നാലിന് മലപ്പുറം വുഡ്‌ബൈന്‍ ഫോലിയേജില്‍ നടക്കും. വ്യവസായ വകുപ്പ് മന്ത്രി പി. രാജീവ് നിക്ഷേപക സംഗമം ഉദ്ഘാടനം ചെയ്യും.

മുണ്ടക്കൈ-ചൂരല്‍മല ഉരുള്‍പൊട്ടല്‍ ദുരന്ത ബാധിതര്‍ക്കായി കല്‍പ്പറ്റ ഏല്‍സ്റ്റണ്‍ എസ്റ്റേറ്റില്‍ ഒരുങ്ങുന്ന സ്വപ്ന ഭവനങ്ങളുടെ നിര്‍മാണം അതിവേഗം പുരോഗമിക്കുന്നു. നിലവില്‍ ഏഴ് വീടുകളുടെ വാര്‍പ്പ് പൂര്‍ത്തിയായി. ഏല്‍സ്റ്റണ്‍ എസ്റ്റേറ്റില്‍ അഞ്ച് സോണുകളിലായി നിര്‍മ്മിക്കുന്ന 410 വീടുകളുടെ നിര്‍മാണ പ്രവര്‍ത്തനങ്ങള്‍ വിവിധ ഘട്ടങ്ങളിലായി പുരോഗമിക്കുകയാണ്. നിലവില്‍ ആദ്യ സോണിലെ നിര്‍മ്മാണ പ്രവര്‍ത്തനങ്ങളാണ് ധ്രുതഗതിയില്‍ പുരോഗമിക്കുന്നത്.