ഒരാഴ്ചക്കാലം കനകക്കുന്നിൽ ഉത്സവലഹരി തീർത്ത ഓണം വാരാഘോഷത്തിന് പ്രൗഢഗംഭീരമായ ഘോഷയാത്രയോടെ  സമാപനം. കഴിഞ്ഞ വർഷം വയനാട് ദുരന്തത്തിന്റെ  പശ്ചാത്തലത്തിൽ ഓണാഘോഷമില്ലാതിരുന്നതിന്റെ സങ്കടം  ഇത്തവണ ഘോഷയാത്ര കൺ നിറയെ കണ്ടു തീർക്കാൻ എത്തിയതാണ് തൈക്കാട് ശിശുക്ഷേമ സമിതിയിലെ അനുഗ്രഹയും അനുപമയും നന്ദനയും ദേവനന്ദയും. മൂന്ന് വയസ്സ് മുതൽ 18 വയസ്സ് വരെ പ്രായമുള്ള നൂറോളം കുട്ടികളും 35 അമ്മമാരുമാണ് പാളയം പള്ളിക്ക് സമീപമൊരുക്കിയ പവലിയനിൽ ഓണം സമാപനഘോഷയാത്ര കാണാൻ എത്തിയത്.

ഓണം വാരാഘോഷത്തിന് സമാപനം കുറിച്ച് നഗരത്തില്‍ നടന്ന സാംസ്‌ക്കാരിക ഘോഷയാത്രയില്‍ പങ്കെടുത്ത ഫ്‌ളോട്ടുകള്‍ക്കും കലാരൂപങ്ങള്‍ക്കുമുള്ള പുരസ്‌കാരങ്ങള്‍ പ്രഖ്യാപിച്ചു. കേന്ദ്രസര്‍ക്കാര്‍ സ്ഥാപന വിഭാഗത്തില്‍ ഒന്നാം സ്ഥാനം വി എസ് എസ് സിക്കും രണ്ടാം സ്ഥാനം തെരഞ്ഞെടുപ്പ് കമ്മിഷന്റെയും ഫ്‌ളോട്ടുകള്‍ക്ക് ലഭിച്ചു. സംസ്ഥാന സര്‍ക്കാര്‍ വകുപ്പുകളുടെ വിഭാഗത്തില്‍ ക്ഷീര വികസന വകുപ്പും മത്സ്യബന്ധന വകുപ്പും  ഒന്നും രണ്ടും സ്ഥാനങ്ങള്‍ നേടി.

സര്‍ക്കാരിതര സ്ഥാപന വിഭാഗത്തില്‍ ഒന്നാം സ്ഥാനം ശുചിത്വ മിഷനും രണ്ടാം സ്ഥാനം എനർജി മാനേജ്മെന്റ് സെന്ററിന്റെയും ഫ്ളോട്ടുകള്‍ സ്വന്തമാക്കി.

സംസ്ഥാന സർക്കാരിന്റെ ഓണം വാരാഘോഷത്തിന്റെ ഭാഗമായി ഏർപ്പെടുത്തിയ മാധ്യമ പുരസ്കാരങ്ങൾ പ്രഖ്യാപിച്ചു. അച്ചടി മാധ്യമത്തിൽ മികച്ച റിപ്പോർട്ടർ വിഭാഗത്തിൽ മെട്രോ വാർത്തയിലെ ശരത് ഉമയനല്ലൂരും ജനയുഗത്തിലെ ശ്യാമ രാജീവും അവാർഡിനർഹരായി. മികച്ച ഫോട്ടോഗ്രാഫര്‍- കെ ബി ജയചന്ദ്രൻ (മെട്രോ വാർത്ത), മികച്ച ദൃശ്യമാധ്യമ റിപ്പോര്‍ട്ടര്‍- സനിസ ശോഭചന്ദ്രൻ (മീഡിയ വൺ)  മികച്ച വീഡിയോഗ്രാഫര്‍- സാദിഖ് പാറയ്ക്കൽ  (മീഡിയ വൺ) എന്നിവരും മികച്ച എഫ് എം വിഭാഗത്തിൽ ബിഗ് എഫ് എമ്മും പുരസ്കാരത്തിന് അർഹരായി.

#ഓണം വാരാഘോഷത്തിൻ്റെ സമാപന ഘോഷയാത്ര ഗവർണർ രാജേന്ദ്ര ആർലേക്കർ ഫ്ലാഗ് ഓഫ് ചെയ്തു#

മുഖ്യമന്ത്രി പിണറായി വിജയൻ ജ്യേഷ്ഠ സഹോദരന് തുല്യമാണെന്നും അദ്ദേഹത്തിൻ്റെ നേതൃത്വത്തിൽ സംസ്ഥാനം ഇനിയും ഉന്നതിയിലേക്കെത്തുമെന്നും ഗവർണർ രാജേന്ദ്ര  ആർലേക്കർ. ഓണം വാരാഘോഷത്തിൻ്റെ സമാപന ഘോഷയാത്ര മാനവീയം വീഥിയിൽ ഫ്ലാഗ് ഓഫ് ചെയ്ത് സംസാരിക്കുകയായിരുന്നു അദ്ദേഹം.

സംസ്ഥാന സർക്കാരിന്റെ ഓണം വാരാഘോഷത്തിന്റെ ഭാഗമായി ഏർപ്പെടുത്തിയ മാധ്യമ പുരസ്കാരങ്ങൾ പ്രഖ്യാപിച്ചു. അച്ചടി മാധ്യമത്തിൽ മികച്ച റിപ്പോർട്ടർ വിഭാഗത്തിൽ മെട്രോ വാർത്തയിലെ ശരത് ഉമയനല്ലൂരും ജനയുഗത്തിലെ ശ്യാമ രാജീവും അവാർഡിനർഹരായി. മികച്ച ഫോട്ടോഗ്രാഫര്‍- കെ ബി ജയചന്ദ്രൻ (മെട്രോ വാർത്ത)
, മികച്ച ദൃശ്യമാധ്യമ റിപ്പോര്‍ട്ടര്‍- സനിസ ശോഭചന്ദ്രൻ (മീഡിയ വൺ)  മികച്ച വീഡിയോഗ്രാഫര്‍- സാദിഖ് പാറയ്ക്കൽ  (മീഡിയ വൺ) എന്നിവരും മികച്ച എഫ് എം വിഭാഗത്തിൽ ബിഗ് എഫ് എമ്മും പുരസ്കാരത്തിന് അർഹരായി.

തിരുവോണ നാളിൽ മാത്രം ഓണാഘോഷത്തിന് ന​ഗരത്തിൽ എത്തിയത് അഞ്ച് ലക്ഷത്തോളം പേർ. വാരാഘോഷം തുടങ്ങിയതുമുതൽ     കനകക്കുന്നില്‍ 20 ലക്ഷത്തിലേറെ ജനങ്ങൾ ഓണാഘോഷത്തിന്റെ ഭാഗമായി എത്തിയെന്നാണ് ഇതുവരെയുള്ള പോലീസിന്റെ കണക്ക്. തിരക്ക് നിയന്ത്രിക്കുന്നതിലും അനിഷ്ട സംഭവങ്ങൾ ഉണ്ടാകാതെ നോക്കുന്നതിലും പഴുതടച്ച സുരക്ഷ ഒരുക്കിയ കേരള പോലീസിന് സല്യൂട്ടടിക്കുകയാണ് ജനങ്ങൾ.

താനൂർ ബോട്ടപകടവുമായി ബന്ധപ്പെട്ട് നിയമിക്കപ്പെട്ട ജസ്റ്റിസ് വി.കെ മോഹനൻ കമ്മീഷൻ രണ്ടാം ഘട്ട അന്വേഷണത്തിൻ്റെ ഭാഗമായി സംസ്ഥാന വ്യാപകമായി നടത്താൻ ഉദ്ദേശിക്കുന്ന പബ്ലിക് ഹിയറിംഗ് ഇന്ന് (സെപ്റ്റംബർ 10) നടക്കും. പൂവാർ ഗ്രാമ പഞ്ചായത്തിൽ രാവിലെ 11 മണിക്കാണ്  ഹിയറിങ്.

തിരുവനന്തപുരം ദാരിദ്ര്യലഘൂകരണ വിഭാ​ഗം ഓഫീസ് മുമ്പ് പ്രവർത്തിച്ചിരുന്ന വ‌‌ട്ടിയൂർക്കാവ് (പഴയ റൂറൽ ബ്ലോക്ക് ഓഫീസ് കോമ്പൗണ്ട്) ഓഫീസ് കോമ്പൗണ്ടിൽ നിൽക്കുന്ന രണ്ട് തേക്ക് മരങ്ങൾ ലേലം ചെയ്യും. സെപ്റ്റംബർ 12ന് ഉച്ചകഴിഞ്ഞ് 2.30ന് വ‌ട്ടിയൂർക്കാവ്  മണ്ണറക്കോണത്തുള്ള ദാരിദ്ര്യലഘൂകരണ വിഭാ​ഗം പ്രൊജക്ട് ഡയറക്ടറുടെ മുൻ കാര്യാലയ കോമ്പൗണ്ടിൽ വെച്ചാണ് ലേലം.  കൂടുതൽ വിവരങ്ങൾക്ക് 0471-2360137, 8089282610.

നവംബര്‍ ഒന്നിന് കേരളപ്പിറവി ദിനത്തില്‍ സംസ്ഥാനത്തെ അതിദാരിദ്ര്യമുക്തമായി പ്രഖ്യാപിക്കാന്‍ സര്‍ക്കാര്‍ ഒരുങ്ങവേ  അതിദരിദ്രരില്ലാത്ത ജില്ലയെന്ന സ്വപ്നനേട്ടത്തിലേക്ക് ചുവടുവച്ച് ആലപ്പുഴയും. ജില്ലയില്‍ അതിദരിദ്രരായി കണ്ടെത്തിയ 95 ശതമാനത്തോളം കുടുംബങ്ങളെയും ഇതിനകം അതിദാരിദ്ര്യമുക്തമാക്കാന്‍ കഴിഞ്ഞു. അവശേഷിക്കുന്ന കുടുംബങ്ങളെക്കൂടി അതിദാരിദ്ര്യമുക്തമാക്കുന്നതിനുള്ള പ്രവര്‍ത്തനങ്ങള്‍ ജില്ലയില്‍ അതിവേഗം പുരോഗമിക്കുകയാണ്. അന്തിമപട്ടിക പ്രകാരം അതിദരിദ്രരായി ജില്ലയില്‍ കണ്ടെത്തിയ 3,613 കുടുംബങ്ങളില്‍ 3398 കുടുംബങ്ങളെയും അതിദാരിദ്ര്യ മുക്തമാക്കിയിട്ടുണ്ട്.

പഴന്തോട്ടം ഗവ. ഹയർ സെക്കൻഡറി സ്‌കൂൾ പുതിയ കെട്ടിടത്തിന്റെ ഉദ്ഘാടനം നടന്നു

വിദ്യാഭ്യാസം, ആരോഗ്യം, കായികം തുടങ്ങിയ മേഖലകളിൽ കേരളം രാജ്യത്തിന് മാതൃകയായി മുന്നേറുകയാണെന്ന് വ്യവസായ വകുപ്പ് മന്ത്രി പി. രാജീവ് പറഞ്ഞു. പഴന്തോട്ടം ഗവ. ഹയർ സെക്കൻഡറി സ്‌കൂളിൽ പൊതു വിദ്യാഭ്യാസ വകുപ്പിന്റെ പ്ലാൻ ഫണ്ടിൽ നിന്നും രണ്ട് കോടി രൂപ അനുവദിച്ച് നിർമ്മിച്ച കെട്ടിടത്തിന്റെ ഉദ്ഘാടനം നിർവഹിക്കുകയായിരുന്നു മന്ത്രി. പ്രീ പ്രൈമറി കുട്ടികൾക്കായുള്ള വർണ്ണക്കൂടാരത്തിൻ്റെ ഉദ്ഘാടനവും ചടങ്ങിൽ മന്ത്രി നിർവഹിച്ചു.