പത്തനാപുരം മേഖലയിലെക്ഷീരകര്‍ഷകര്‍ക്ക് തണലാകുംവിധം നടപ്പിലാക്കിയ പദ്ധതികളിലൂടെ എ പ്ലസ് ഗ്രേഡ് അംഗീകാരനിറവിലാണ് പത്തനാപുരം ബ്ലോക്ക്പഞ്ചായത്ത്. നടപ്പിലാക്കിയ നൂതന പദ്ധതികളാണ് അംഗീകാരത്തിന് പിന്നിലുള്ളത്. തൃണകം പദ്ധതിയിലൂടെ നേട്ടത്തിന്റെ നാള്‍വഴികള്‍ക്ക് പിന്തുണ ഉറപ്പാക്കുന്നുമുണ്ട്. പച്ചപ്പുല്ലിന് ദൗര്‍ലഭ്യം നേരിടുന്ന മേഖലയില്‍ പശുക്കള്‍ക്ക് വൈക്കോലും പച്ചപുല്ലും സൈലേജും സബ്‌സിഡിയോടെ ലഭ്യമാക്കുന്ന പദ്ധതിയാണിത്.  

ആലപ്പുഴ മണ്ഡലത്തിലെ വിവിധ സ്കൂൾ കെട്ടിടങ്ങളുടെ ഉദ്ഘാടനം നാളെ (സെപ്റ്റംബർ 11ന്) വിദ്യാഭ്യാസവകുപ്പ് മന്ത്രി വി ശിവൻകുട്ടി നിർവഹിക്കും. സംസ്ഥാന സര്‍ക്കാര്‍ ഫണ്ടും പി പി ചിത്തരഞ്ജന്‍ എംഎൽഎയുടെ പ്രാദേശിക വികസനഫണ്ടും ഉപയോഗിച്ചു നിര്‍മ്മിച്ച രണ്ട് സ്കൂള്‍ കെട്ടിടങ്ങളുടെ ഉദ്ഘാടനവും ഒരു സ്കൂൾ കെട്ടിടത്തിൻ്റെ നിർമ്മാണോദ്ഘാടനവുമാണ് നടക്കുന്നത്.

സമഗ്ര ശിക്ഷാ കേരളം പദ്ധതിയുടെ ഭാഗമായി 2025-26 അധ്യയനവര്‍ഷം ആലപ്പുഴ ജില്ലയിലെ വിവിധ സ്‌കൂളുകളില്‍ പ്രവര്‍ത്തനം ആരംഭിക്കുന്ന സ്‌കില്‍ ഡവലപ്മെന്റ് സെന്റുകളിലേക്ക് സ്‌കില്‍ അസിസ്റ്റന്റ് തസ്തികയിൽ നിയമനം നടത്തുന്നു.

 എസ്.എസ്.കെ ആലപ്പുഴ ജില്ലാ പ്രോജക്ട് കോ ഓര്‍ഡിനേറ്ററുടെ കാര്യാലയത്തില്‍ സെപ്റ്റംബര്‍ 12 രാവിലെ 10 ന് ഇതിനായി വാക്ക്-ഇന്‍-ഇന്റര്‍വ്യു നടത്തും. യോഗ്യരായവര്‍ അന്നേ ദിവസം വിദ്യാഭ്യാസം/ പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസ്സലും ഒരു സെറ്റ് കോപ്പിയുമായി ആലപ്പുഴ ജില്ലാ പ്രോജക്ട് കോ ഓര്‍ഡിനേറ്ററുടെ കാര്യാലയത്തില്‍ ഹാജരാകണം.

ജില്ലാ പഞ്ചായത്ത്  2025 -26 സാമ്പത്തിക വര്‍ഷത്തെ പദ്ധതി നിര്‍വഹണത്തിന്റെ ഭാഗമായി വനിത ശിശു വികസന വകുപ്പും ജില്ലാ പഞ്ചായത്തും സംയോജിതമായി സംഘടിപ്പിച്ച  ജില്ലാ   ജാഗ്രത സമിതി പരിശീലനം,  ജില്ലാ പഞ്ചായത്ത് പ്രസിഡൻ്റ്  കെ.ജി രാജേശ്വരി ഉദ്ഘാടനം നിര്‍വഹിച്ചു.  ജില്ലാ പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷൻ അഡ്വ. ടി എസ് താഹ അധ്യക്ഷനായി.

 ജില്ല വനിത ശിശു വികസന ഓഫീസര്‍ വി എസ് ഷിംന, ജില്ലാതല ഐ സി ഡി എസ് സെല്‍ പ്രോഗ്രാം ഓഫീസര്‍  ജെ. മായാലക്ഷ്മി, സീനിയര്‍ സൂപ്രണ്ട് കെ ആർ  ജോളി, ജൂനിയര്‍ സൂപ്രണ്ട് പി  ഷീബ  എന്നിവര്‍ സംസാരിച്ചു.

പുന്നപ്ര അക്ഷരനഗരി കേപ്പ് കാമ്പസിൽ പ്രവർത്തിക്കുന്ന ഇൻസ്റ്റിറ്റ്യൂട്ട് ഓഫ് മാനേജ്മെന്റ് ആൻഡ് ടെക്നോളജി (ഐ. എം. റ്റി) പുന്നപ്രയിൽ 2025-2027 വർഷത്തേക്കുള്ള ദ്വിവത്സര ഫുൾടൈം  എം. ബി. എ  പ്രോഗ്രാമിലേക്ക് ഒ.ഇ.സി, എസ്.സി , എസ്.റ്റി സീറ്റിലും ജനറൽ സീറ്റിലും ഏതാനം ഒഴിവുകളുണ്ട്. ദ്വിവത്സര ഫുൾടൈം എം.ബി.എ യിൽ ഫിനാൻസ്, മാർക്കറ്റിംഗ്, ഹ്യൂമൻ റിസോഴ്സ്, ഓപ്പറേഷൻസ്, ലോജിസ്റ്റിക്സ്, ബിസിനസ്സ് അനലിറ്റിക്സ് എന്നിവയിൽ സ്പെഷ്യലൈസേഷന് അവസരമുണ്ട്. ഫിഷറീസ് വിഭാഗക്കാർക്കും,എസ്.സി /എസ്.റ്റി, ഒ. ഇ. സി,ഒ. ബി.

സ്റ്റേഷനറി വകുപ്പിന്റെ ആലപ്പുഴ ജില്ലാ സ്റ്റേഷനറി ഓഫീസ് സ്റ്റോറില്‍ സൂക്ഷിച്ചിട്ടുള്ള പഴയതും ഉപയോഗ്യശൂന്യവുമായ ടൈപ്പ്‌റൈറ്ററുകളും ഡ്യൂപ്ലിക്കേറ്ററുകളും വില്‍ക്കുന്നതിനായി  ക്വട്ടേഷനുകള്‍ ക്ഷണിച്ചു.  അവസാന തീയതി  ഒക്ടോബര്‍ മൂന്ന് ഉച്ചയ്ക്ക് 12.30. ഫോണ്‍ - 0477-2263404.
 

ഹരിപ്പാട് ഐ സി ഡി എ സ് ഓഫീസിന് കീഴിലെ ഹരിപ്പാട് നഗരസഭ,  തൃക്കുന്നപ്പുഴ, കരുവാറ്റ, കുമാരപുരം പഞ്ചായത്തുകളിലെ 94 അങ്കണവാടികളിൽ   ആഴ്‌ചയിൽ മൂന്ന്  ദിവസം പാൽ വിതരണം ചെയ്യുന്നതിന്  റീ ടെൻഡർ ക്ഷണിച്ചു. അവസാന തീയതി  സെപ്റ്റംബർ 23. ഫോൺ:0479 2404280, 9895838183.
 

ഹരിപ്പാട് ഐ സി ഡി എ സ് ഓഫീസിന് കീഴിലെ ഹരിപ്പാട് നഗരസഭ, തൃക്കുന്നപ്പുഴ, കാർത്തികപ്പള്ളി, കരുവാറ്റ, കുമാരപുരം പഞ്ചായത്തുകളിലെ 109 അങ്കണവാടികളിൽ ആഴ്ചയിൽ 3 ദിവസം മുട്ട വിതരണം ചെയ്യുന്നതിന് റീ ടെൻഡർ ക്ഷണിച്ചു. അവസാന തീയതി സെപ്റ്റംബർ 23. ഫോൺ:0479 2404280, 9895838183

സംസ്ഥാന സഹകരണ ജീവനക്കാരുടെ പെൻഷൻ ബോർഡ് മുഖേന പെൻഷൻ വാങ്ങുന്നവർ അക്ഷയ കേന്ദ്രം വഴി ബയോമെട്രിക് രീതിയിൽ 2025 ഒക്ടോബർ 31ന് മുമ്പായി മസ്റ്ററിങ് നടത്തണമെന്ന് സംസ്ഥാന സഹകരണ ജീവനക്കാരുടെ പെൻഷൻ ബോർഡ് അഡീഷണൽ രജിസ്ട്രാർ/സെക്രട്ടറി അറിയിച്ചു. പ്രാഥമിക സഹകരണ സംഘം, കേരള ബാങ്ക്, സഹകരണേതര വകുപ്പുകളിലെ സഹകരണ സംഘങ്ങളിൽ നിന്നും വിരമിച്ച പെൻഷൻകാർ, കുടുംബ പെൻഷൻ വാങ്ങുന്നവർ, ആശ്വാസ്-സമാശ്വാസ് പദ്ധതി പ്രകാരം പെൻഷൻ വാങ്ങുന്നവർ, കയർ സ്പെഷ്യൽ സ്കീം പ്രകാരം പെൻഷൻ വാങ്ങുന്നവർ എന്നിങ്ങനെ 2025 ജനുവരി മാസത്തിന് മുൻപ് പെൻഷൻ ലഭിച്ചു തുടങ്ങിയവരാണ് മസ്റ്ററിങ് നടത്തേണ്ടത്.