പൊതുവിദ്യാഭ്യാസ വകുപ്പ് – ഹയർസെക്കൻഡറി വിഭാഗ എച്ച്.എസ്.എസ്.റ്റി ജൂനിയർ തസ്തികകളിലേക്കുള്ള തസ്തികമാറ്റ നിയമനം ഭേദഗതി വരുത്തിയ താൽക്കാലിക സീനിയോരിറ്റി ലിസ്റ്റ് പ്രസിദ്ധീകരിച്ചു. താൽക്കാലിക സീനിയോരിറ്റി ലിസ്റ്റിൽ ഉൾപ്പെട്ടിട്ടുള്ളവരുടെ സർട്ടിഫിക്കറ്റ് വെരിഫിക്കേഷനുവേണ്ടി സെപ്റ്റംബർ 15 മുതൽ 19 വരെ പൊതുവിദ്യാഭ്യാസ വകുപ്പ് ഡയറക്ടറുടെ കാര്യാലയത്തിൽ എത്തിച്ചേരണം

പ്രവാസികൾക്കും തിരിച്ചെത്തിയ പ്രവാസികൾക്കുമായി നോർക്കാ റൂട്ട്സ്സും സംസ്ഥാന സർക്കാർ സ്ഥാപനമായ സെന്റർ ഫോർ മാനേജ്‌മെന്റ് ഡവലപ്പ്‌മെന്റും (സി.എം.ഡി) സംയുക്തമായി  സംഘടിപ്പിക്കുന്ന എൻ.ഡി.പി.ആർ.ഇ.എം പരിശീലന പരിപാടി  2025 സെപ്റ്റംബർ 18 ന് പത്തനംതിട്ടയിൽ.

പ്രവാസികൾക്കും തിരിച്ചെത്തിയ പ്രവാസികൾക്കുമായി നോർക്കാ റൂട്ട്സ്സും സംസ്ഥാന സർക്കാർ സ്ഥാപനമായ സെന്റർ ഫോർ മാനേജ്‌മെന്റ് ഡവലപ്പ്‌മെന്റും (സി.എം.ഡി) സംയുക്തമായി  സംഘടിപ്പിക്കുന്ന എൻ.ഡി.പി.ആർ.ഇ.എം പരിശീലന പരിപാടി  സെപ്റ്റംബർ 18 ന് കോട്ടയത്ത്. പങ്കെടുക്കാൻ താല്പര്യമുള്ളവർക്ക് ശില്പശാല നടക്കുന്ന കോട്ടയം ലോഗോസ് ജംഗ്ഷനിലെ ഡി.സി. ബുക്‌സിന് സമീപത്തുളള  ഐ.എം.എ ഹൗസ് ഹാളിലെത്തി രാവിലെ 9.30 മുതൽ രജിസ്റ്റർ ചെയ്യാവുന്നതാണ്.

43.7 കോടി രൂപ ചെലവഴിച്ച് നിർമ്മാണം

കുമ്പളങ്ങി-അരൂർ കരകളെ തമ്മിൽ ബന്ധിപ്പിക്കുന്ന കുമ്പളങ്ങി-കെൽട്രോൺ പാലത്തിന്റെ നിർമ്മാണ പ്രവൃത്തികൾക്ക് തുടക്കമായി. പാലത്തിന്റെ നിർമ്മാണം പൂർത്തിയാകുന്നതോടെ കുമ്പളങ്ങിയിൽ നിന്ന് അരൂരിലേക്കും അരൂരിൽ നിന്ന് കൊച്ചിയിലേക്കും കുറഞ്ഞ സമയത്തിൽ സഞ്ചരിക്കാനാകും. 290.6 മീറ്റർ നീളവും 11 മീറ്റർ വീതിയുമുള്ള പാലം 36.2 മീറ്റർ നീളത്തിലുള്ള എട്ടു സ്പാനുകളിലാണ് നിർമ്മിക്കുന്നത്.

കിഫ്‌ബി പദ്ധതിയിൽ ഉൾപ്പെടുത്തി 43.7 കോടി രൂപയാണ് പാലത്തിന്റെ നിർമ്മാണത്തിനായി അനുവദിച്ചിട്ടുണ്ട്. കേരള റോഡ് ഫണ്ട്‌ ബോർഡിനാണ് പാലത്തിന്റെ നിർമ്മാണ ചുമതല. 

പിറവം വള്ളംകളി മത്സരം ഒക്ടോബർ നാലിന് പിറവം പുഴയിൽ നടക്കുമെന്ന് അനൂപ് ജേക്കബ് എംഎൽഎ അറിയിച്ചു. വള്ളംകളി സംബന്ധിച്ച കാര്യങ്ങൾ സംഘാടകസമിതി രൂപീകരിച്ച് ചർച്ചചെയ്ത് തീരുമാനിക്കുമെന്നും എംഎൽഎ പറഞ്ഞു.

ചാമ്പ്യൻസ് ബോട്ട് റേസ് ലീഗിന്റെ ഭാഗമായാണ് വള്ളംകളി നടത്തുന്നത്. ഈ മാസം 19 ന് ആലപ്പുഴ കൈനകരിയിൽ ആരംഭിച്ച് ഡിസംബർ ആറിന് കൊല്ലത്ത് പ്രസിഡൻ്റ്സ് ട്രോഫിയിലൂടെ സമാപിക്കുന്ന തരത്തിലാണ് ചാമ്പ്യൻസ് ബോട്ട് റേസ് ലീഗ് നിശ്ചയിച്ചിരിക്കുന്നത്.

കേരളത്തിൽ സമഗ്ര നഗര നയം രൂപീകരിക്കുക എന്ന ലക്ഷ്യത്തോടെ സംഘടിപ്പിക്കുന്ന കേരള അര്‍ബന്‍ കോണ്‍ക്ലേവ് 2025 ന്റെ മുന്നോടിയായുള്ള പ്രദര്‍ശനത്തിന് മറൈന്‍ ഡ്രൈവില്‍ തുടക്കമായി. തദ്ദേശ സ്വയംഭരണ വകുപ്പ് മന്ത്രി എം.ബി. രാജേഷ് പ്രദര്‍ശനം ഉദ്ഘാടനം ചെയ്തു. 

നെല്ലിക്കുഴി ഗ്രാമപഞ്ചായത്തിലെ പതിമൂന്നാം വാർഡിലെ ആധുനിക സൗകര്യങ്ങളോടെ നവീകരിച്ച സ്മാർട്ട് അങ്കണവാടി ആന്റണി ജോൺ എം.എൽ.എ നാടിന് സമർപ്പിച്ചു. 

മനോഹരമായ ഇരിപ്പിടങ്ങളും കൗതുകം പകരുന്ന ചുവർ ചിത്രങ്ങളും വിനോദോപാധികളും മികച്ച അടിസ്ഥാന സൗകര്യങ്ങളുമാണ് നവീകരിച്ച കുപ്പശ്ശേരിമോളം

അങ്കണവാടിയിൽ ഒരുക്കിയിരിക്കുന്നത്.  

കുട്ടികളുടെ ശാരീരിക-മാനസിക വികാസത്തിനും, ഉല്ലാസത്തിനും ആവശ്യമായ മികച്ച സൗകര്യങ്ങളാണ് സ്മാർട്ട് അങ്കണവാടികളിൽ ക്രമീകരിക്കുന്നതെന്നും 

സ്വന്തം വീട്ടിലേതുപോലുള്ള അന്തരീക്ഷമാണ് ഇതുവഴി സൃഷ്ടിക്കുന്നതെന്നും എം.എൽ.എ പറഞ്ഞു. 

കേന്ദ്ര സർക്കാർ നൈപുണ്യ വികസന സംരംഭകത്വ മന്ത്രാലയവും കേരള സർക്കാർ തൊഴിൽ നൈപുണ്യ വകുപ്പും സംയുക്തമായി |പ്രധാനമന്ത്രി നാഷണൽ അപ്രന്റീസ്ഷിപ്പ് മേള 2025 ' സംഘടിപ്പിക്കുന്നു. 

ഇന്ന് (സെപ്റ്റംബർ 12) രാവിലെ ഒമ്പത് മുതൽ വൈകീട്ട് നാല് വരെ കളമശ്ശേരി ആർ.ഐ സെന്ററിൽ നടക്കുന്ന മേളയിൽ എഞ്ചിനീയറിംഗ് /നോൺ എഞ്ചിനീയറിംഗ് ട്രേഡുകളിൽ ഐ.ടി.ഐ. യോഗ്യതയുള്ളവർക്ക് പങ്കെടുക്കാം. താല്പര്യമുള്ള ഉദ്യോഗാർത്ഥികൾ www.apprenticeshipindia.gov.in എന്ന വെബ്സൈറ്റ് വഴി രജിസ്റ്റർ ചെയ്യേണ്ടതാണ്.

ഫോൺ: 0484-2555866

കേരളത്തിന്റെ ആദ്യ സമഗ്ര നഗരനയം രൂപപ്പെടുത്തുക എന്ന ലക്ഷ്യത്തോടെ സംഘടിപ്പിക്കുന്ന കേരള അര്‍ബന്‍ കോണ്‍ക്ലേവ് 2025ന് ഇന്ന് (സെപ്തംബര്‍ 12, വെള്ളി) കൊച്ചി ഗ്രാന്‍ഡ് ഹയാത്ത് കണ്‍വെന്‍ഷന്‍ സെന്ററില്‍ തുടക്കമാകും. 'അസ്പിറിങ് സിറ്റീസ്, ത്രൈവിംഗ് കമ്മ്യൂണിറ്റീസ്' എന്ന ആശയത്തില്‍ സംഘടിപ്പിക്കുന്ന കോണ്‍ക്ലേവ് രാവിലെ 9.30ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.

എറണാകുളം ജില്ലയിലെ വിമുക്തഭടന്മാർ, വിധവകൾ എന്നിവർക്ക് 2025-2026 വർഷത്തെ സാമ്പത്തിക സഹായം ലഭിക്കുന്നതിന് അപേക്ഷകൾ ക്ഷണിച്ചു. വാർഷിക വരുമാനം രണ്ട് ലക്ഷത്തിൽ താഴെയുള്ള യോഗ്യരായ വിമുക്തഭടന്മാർ, വിധവകൾ എന്നിവർ ആവശ്യമായ രേഖകൾ സഹിതം അപേക്ഷ ജില്ലാ സൈനിക ക്ഷേമ ഓഫീസിൽ ഒക്ടോബർ 25 ന് മുൻപ് സമർപ്പിക്കേണ്ടതാണ്. കൂടുതൽ വിവരങ്ങൾക്ക് ജില്ലാ സൈനിക ക്ഷേമ ഓഫീസുമായി ബന്ധപ്പെടുക. 

ഫോൺ 0484-2422239.