കടുത്തുരുത്തി ഗവൺമെന്റ് പോളിടെക്‌നിക് കോളജിൽ കമ്പ്യൂട്ടർ എൻജിനീയറിംഗ് വിഭാഗത്തിലേക്ക് അധ്യാപകരെ നിയമിക്കുന്നു. ഉദ്യോഗാർഥികൾക്ക് ബന്ധപ്പെട്ട വിഷയത്തിൽ ബി.ടെക് ഒന്നാം ക്‌ളാസ് ഉണ്ടായിരിക്കണം. താൽപര്യമുള്ളവർ ഓഗസ്റ്റ് 26ന് രാവിലെ 10.30ന് കോളജിൽ നടക്കുന്ന അഭിമുഖത്തിൽ അസ്സൽ രേഖകളുമായി പങ്കെടുക്കണം. വിശദവിവരത്തിന് ഫോൺ: 04829295131. 

ശ്രീകൃഷ്ണപുരം സര്‍ക്കാര്‍ എഞ്ചിനീയറിങ് കോളേജില്‍ മെക്കാനിക്കല്‍ എഞ്ചീനീയറിങ് വിഭാഗത്തില്‍ ട്രേഡ്‌സ്മാന്‍ തസതികയിലെ ഒഴിവിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നതിന് ആഗസ്റ്റ് 25 ന് കൂടിക്കാഴ്ച നടത്തുന്നു. താല്പര്യമുള്ള ഉദ്യോഗാര്‍ത്ഥികള്‍ സര്‍ട്ടിഫിക്കറ്റുകളുടെ അസല്‍ രേഖകള്‍ സഹിതം രാവിലെ 10 ന് മുമ്പായി എത്തിച്ചേരണം. യോഗ്യത : ബന്ധപ്പെട്ട ട്രേഡിലുള്ള ടി എച്ച എസ് എല്‍ സി അല്ലെങ്കില്‍ എസ് എസ് എല്‍ സി പാസും കെ ജി സി ഇ/എന്‍ ടി സി/ കെ ജി സി ഇ/ വി എച്ച എസ് സി. കൂടുതല്‍ വിവരങ്ങള്‍ www.gecskp.ac.in ല്‍ ലഭിക്കും. ഫോണ്‍: 0466 2260565.

 മാന്നാനം പാലത്തിന്റെ നിർമാണോദ്ഘാടനം ഞായറാഴ്ച (ഓഗസ്റ്റ് 24) വൈകിട്ട് നാലുമണിക്കു പൊതുമരാമത്ത്്-ടൂറിസം വകുപ്പുമന്ത്രി അഡ്വ. പി.എ. മുഹമ്മദ് റിയാസ് നിർവഹിക്കും. മാന്നാനത്തു നടക്കുന്ന ചടങ്ങിൽ സഹകരണം-തുറമുഖം- ദേവസ്വം വകുപ്പ് മന്ത്രി വി.എൻ. വാസവന്റെ അധ്യക്ഷത വഹിക്കും. കെ. ഫ്രാൻസിസ് ജോർജ് എം.പി, മുൻ എം.പി. തോമസ് ചാഴികാടൻ എന്നിവർ മുഖ്യാതിഥികളാകും. 
 റീ ബിൽഡ് കേരള പദ്ധതിയിൽ ഉൾപ്പെടുത്തി 24.83 കോടി രൂപ ചെലവഴിച്ചു ദേശീയ ജലപാതാ മാനദണ്ഡങ്ങൾ പാലിച്ചാണ് നിർമാണം. 228.7 മീറ്റർ നീളത്തിലും 12 മീറ്റർ വീതിയിലും വർഷകാല ജലനിരപ്പിൽ നിന്ന് ആറുമീറ്റർ ഉയരത്തിലുമാണ് പണിയുന്നത്.

സഹകരണ വകുപ്പിന് കീഴിലുള്ള സംസ്ഥാന സഹകരണ യൂണിയന്റെ തിരുവനന്തപുരത്തെ കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെൻ്റിൽ (കിക്മ) എം.ബി.എ. (ഫുൾടൈം) 2025-27 ബാച്ച് പ്രവേശനത്തിനായുള്ള അഭിമുഖം ആഗസ്റ്റ് 25 ന് രാവിലെ 10 മണി മുതൽ ഉച്ചയ്ക്ക് ഒരു മണി വരെ വിക്ടോറിയ കോളേജ് റോഡിന് സമീപത്തുളള കോ-ഓപ്പറേറ്റീവ് ട്രെയിനിങ് കോളേജിൽ നടക്കും. 50 ശതമാനം മാർക്കോട് കൂടിയ ബിരുദമാണ് അടിസ്ഥാന യോഗ്യത. വിദ്യാർഥികൾ അസൽ സർട്ടിഫിക്കറ്റുകളുമായി ഹാജരാവണം. കൂടുതൽ വിവരങ്ങൾ 8281743442/8547618290 എന്നീ നമ്പരിലും, www.kicma.ac.in എന്ന വെബ്സൈറ്റിലും ലഭിക്കും.‌

ഉദ്ഘാടനം മന്ത്രി എം.ബി രാജേഷ് നിര്‍വഹിക്കും

ഓണക്കാലത്ത് വർധിച്ചുവരുന്ന പാലിന്റെ ഉപഭോഗം കണക്കിലെടുത്ത്, ശുദ്ധമായ പാൽ വിതരണം ഉറപ്പാക്കാൻ ക്ഷീരവികസന വകുപ്പ് രംഗത്ത്. ഇതിന്റെ ഭാഗമായി വകുപ്പിലെ ഗുണനിയന്ത്രണ വിഭാഗത്തിന്റെ മേല്‍നോട്ടത്തില്‍ ജില്ലയില്‍ രണ്ട്  ഇന്‍ഫര്‍മേഷന്‍ സെന്ററുകള്‍ സജ്ജീകരിച്ച്  പാൽ പരിശോധനയ്ക്കുള്ള സംവിധാനം ഒരുക്കും. ആഗസ്റ്റ് 29 മുതല്‍ സെപ്റ്റംബര്‍ മൂന്ന് വരെ സെന്ററുകള്‍ പ്രവര്‍ത്തിക്കും. ആഗസ്റ്റ് 29 മുതല്‍ സെപ്റ്റംബര്‍ രണ്ട് വരെ രാവിലെ പത്ത് മുതല്‍ വൈകുന്നേരം അഞ്ച് വരെയും, സെപ്റ്റംബര്‍ മൂന്നി-ന് രാവിലെ ഒമ്പതു മുതല്‍ 12 വരെയുമാണ് സെന്ററുകളുടെ പ്രവര്‍ത്തന സമയം.

കാഴ്ച പരിമിതിയുള്ളവര്‍ക്കായി സംസ്ഥാന സാക്ഷരതാ മിഷന്‍ നടപ്പാക്കുന്ന ബ്രെയില്‍ സാക്ഷരതാ പദ്ധതിയുടെ ഭാഗമായി 'മികവുത്സവം' എന്ന പേരില്‍ പരീക്ഷ സംഘടിപ്പിച്ചു. പാലക്കാട് മോയന്‍സ് എല്‍.പി. സ്‌കൂളില്‍ നടന്ന പരിപാടി ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഷാബിറ ടീച്ചര്‍ ഉദ്ഘാടനം ചെയ്തു. 80 വയസ്സുള്ള ദേവയാനി അമ്മയ്ക്ക് ചോദ്യപേപ്പര്‍ നല്‍കിയാണ് പരീക്ഷയ്ക്ക് തുടക്കം കുറിച്ചത്.

എരുത്തേമ്പതി ഗ്രാമപഞ്ചായത്തിലെ പുതിയ ആയുര്‍വേദ ഡിസ്‌പെന്‍സറി കെട്ടിടം ഗ്രാമപഞ്ചായത്ത് പ്രസിഡന്റ് എസ്. പ്രിയദര്‍ശിനി ഉദ്ഘാടനം ചെയ്തു. 2022-23 പദ്ധതിയില്‍ ഉള്‍പ്പെടുത്തി 35.61 ലക്ഷം രൂപ ചെലവഴിച്ചാണ് കെട്ടിടം നിര്‍മ്മിച്ചത്.
1400 ചതുരശ്ര അടി വിസ്തൃതിയുള്ള കെട്ടിടത്തില്‍ ഡോക്ടര്‍മാരുടെ മുറി, സ്റ്റാഫ് റൂം, സന്ദര്‍ശകമുറി, സ്റ്റോര്‍ റൂം, അടുക്കള, ചികിത്സാമുറി, ഓഫീസ് റൂം, ഫാര്‍മസി, നാല് ടോയ്ലെറ്റുകള്‍ എന്നിവ സജ്ജീകരിച്ചിട്ടുണ്ട്.