ആലപ്പുഴ: തിരഞ്ഞെടുപ്പുമായി ബന്ധപ്പെട്ട്  ജില്ലയിലെ രാഷ്ട്രീയ പ്രതിനിധികളുടെ യോഗം ജില്ല തിരഞ്ഞെടുപ്പ് ഓഫീസറായ ജില്ല കളക്ടർ വിളിച്ചുചേർത്തു.  പൂർണമായും ഹരിതചട്ടം പാലിച്ച തിരഞ്ഞെടുപ്പിന് സഹകരണം അഭ്യർഥിച്ച  കളക്ടർ  ഫ്‌ളക്‌സ് ബോർഡുകൾക്ക് പകരം തുണിയോ പേപ്പറോ ഉപയോഗിക്കണമെന്നു നിർദേശിച്ചു. സർക്കാർ ഓഫീസുകളുടെ ചുവരുകളോ, സംവിധാനങ്ങളോ തിരഞ്ഞെടുപ്പ് പ്രചരണത്തിന് ഉപയോഗിക്കരുതെന്നും കർശന നിർദ്ദേശം നൽകി.

ആലപ്പുഴ: പരിസ്ഥിതിക്കും ആരോഗ്യത്തിനും ഭീഷണിയാകുന്ന പ്ലാസ്റ്റിക്ക്, ഡിസ്‌പോസിബിൾ വസ്തുക്കൾ ഉപയോഗിച്ച് തിരഞ്ഞെടുപ്പ് പ്രചരണം  സംഘടിപ്പിക്കുന്നത്  പൂർണ്ണമായും ഒഴിവാക്കണമെന്ന് ജില്ല തിരഞ്ഞെടുപ്പ് ഓഫീസറായ ജില്ല കളക്ടർ. കഴിഞ്ഞ നാലിന് തിരഞ്ഞെടുപ്പു കന്നിഷനും 11ന് ഹൈക്കോടതിയും പ്രകൃതി സൗഹാർദമാകണം തിരഞ്ഞെടുപ്പെന്നു ഉത്തരവു നൽകിയിരുന്നു. 

    പൊതു വിദ്യാഭ്യാസ വകുപ്പിലെ സര്‍ക്കാര്‍ ഹൈസ്കൂള്‍ അധ്യാപകര്‍, പ്രൈമറി വിഭാഗം പ്രധാനാധ്യാപകര്‍, പ്രൈമറി അധ്യാപകര്‍ക്ക് 2019-2020 അധ്യായന വര്‍ഷത്തെ റവന്യൂ -ജില്ലാതല സ്ഥമാറ്റത്തിന് അപേക്ഷിക്കാം. അപേക്ഷ നല്‍കണം. അപേക്ഷ ഓണ്‍ലൈനായി മാര്‍ച്ച് 12 വരെ സമര്‍പ്പിക്കാം.

    മെഡികെയേഴ്സ്, നെഹ്റു യുവകേന്ദ്ര, സേവക് സൊസൈറ്റി എന്നിവയുടെ ആഭിമുഖ്യത്തില്‍ മാര്‍ച്ച് അഞ്ചിന് രാവിലെ 10 മുതല്‍ ഒന്ന് വരെ കൊല്ലങ്കോട് പഞ്ചായത്തിലെ നെന്മേനി, കൊടുക്കപ്പാറ കുടുംബാരോഗ്യ കേന്ദ്രത്തില്‍ സൗജന്യ മെഡിക്കല്‍ ക്യാമ്പ് നടത്തുന്നു. ക്യാമ്പില്‍ വിദഗ്ധ ഡോക്ടര്‍മാരുടെ സേവനവും ആവശ്യമായ മരുന്നുകളും സൗജന്യമായി ലഭിക്കുമെന്ന് സേവക് മാനേജര്‍ അറിയിച്ചു. ഫോണ്‍: 7559075414

തവനൂര്‍ ഗവ. മഹിളാ മന്ദിരത്തില്‍ കെയര്‍  പ്രൊവൈഡര്‍മാരുടെ നിയമനത്തിനായി മാര്‍ച്ച് 15ന് നടത്താന്‍ നിശ്ചിയിച്ചിരുന്ന അഭിമുഖം ലോകസഭാ ഇലക്ഷന്‍ പ്രഖ്യാപിച്ചതിനാല്‍ റദ്ദാക്കിയതായി സൂപ്രണ്ട് അറിയിച്ചു.

എടരിക്കോട് സെക്ഷന്‍ പരിധിയില്‍ അറ്റകുറ്റ പണികള്‍ നടക്കുന്നതിനാല്‍ അരീക്കല്‍, ഞാറത്തടം, താണുക്കുണ്ട്, കാടങ്ങേല്‍തൊട്ടി, ഒറ്റത്തെങ്ങ്, വളയംചാല്‍, പുതുപറമ്പ്, കാരാട്ടങ്ങാടി ഭാഗങ്ങളില്‍ മാര്‍ച്ച് 14 ന് രാവിലെ 8.30 മുതല്‍ അഞ്ച് വരെ ഭാഗികമായി വൈദ്യുതി മുടങ്ങും

ജില്ലയിലെ നാല് വിദ്യാഭ്യാസ ജില്ലകളില്‍ നിന്നായി 80109 വിദ്യാര്‍ത്ഥികള്‍ ഇന്ന് എസ്.എസ്.എല്‍.സി പരീക്ഷ എഴുതും. സംസ്ഥാനത്ത് ഏറ്റവും കൂടുതല്‍ വിദ്യാര്‍ത്ഥികള്‍ പരീക്ഷ എഴുതുന്ന റവന്യു ജില്ലയും വിദ്യാഭ്യാസ ജില്ലയും മലപ്പുറമാണെന്ന പ്രത്യേകതയും ഇത്തവണയുണ്ട്. മലപ്പുറം വിദ്യാഭ്യാസ ജില്ലയില്‍ 27436 വിദ്യാര്‍ത്ഥികളാണ് ഈ വര്‍ഷം പരീക്ഷ എഴുതുന്നത്. വണ്ടൂര്‍ വിദ്യാഭ്യാസ ജില്ലയില്‍ 15712 പേരും തിരൂരങ്ങാടിയില്‍ 20483 ഉം തിരൂരില്‍ 16478 പേരുമാണ് പരീക്ഷയെഴുതുന്നത്.

    ലോകസഭാ തെരഞ്ഞടുപ്പുമായി ബന്ധപ്പെട്ട് മലപ്പുറം കലക്ടറേറ്റിലെ ഇലക്ഷന്‍ വിഭാഗത്തിലേക്ക് സി.സി.ടി.വി, കംപ്യൂട്ടര്‍, ലാപ്‌ടോപ്പ്, യു.പി.എസ്, വീഡിയോഗ്രാഫി യൂണിറ്റ് ആന്‍ഡ് വീഡിയോ ഗ്രാഫര്‍, വെബ് കാസ്റ്റിങ് ക്യാമറ, ടി.വി തുടങ്ങിയവ വാടകക്ക് നല്‍കുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ മാര്‍ച്ച് 14ന് വൈകുന്നേരം മൂന്നിനകം ജില്ലാ കലക്ടര്‍ ആന്‍ഡ് ജില്ലാ ഇലക്ഷന്‍ ഓഫീസര്‍, മലപ്പുറം എന്ന വിലാസത്തില്‍ ലഭിക്കണം.  കൂടുതല്‍ വിവരങ്ങള്‍ കലക്‌ട്രേറ്റിലെ ഇലക്ഷന്‍ വിഭാഗത്തില്‍ നിന്നും ലഭിക്കും.

കേരള സംസ്ഥാന ലഹരി വര്‍ജജന മിഷന്‍ - വിമുക്തിയുടെ ആഭിമുഖ്യത്തില്‍ ജില്ലയിലെ അഞ്ച് സ്‌കൂള്‍ കേന്ദ്രങ്ങളില്‍ ലഹരിക്കെതിരെ ബോധവല്‍ക്കരണം നടത്തുന്നതിന്റെ ഭാഗമായി കിറ്റിഷോ നടത്തും.  ലഹരിക്കെതിരെ യു.പിതലം മുതലുള്ള വിദ്യാര്‍ത്ഥികളില്‍ അപബോധം ഉണ്ടാക്കുന്നതിന്റെ ഭാഗമായാണ് സ്‌കൂളുകള്‍ കേന്ദ്രീകരിച്ച് കിറ്റിഷോ അവതരിപ്പിക്കുന്നത്.  വിനോദ് നരനാട്ടാണ് പരിപാടി അവതരിപ്പിക്കുന്നത്.   പെരിന്തല്‍മണ്ണ, പുണര്‍പ്പ, മലപ്പുറം, കോട്ടക്കല്‍, ചേളാന്നൂര്‍, അരിയല്ലൂര്‍ എന്നിവിടങ്ങളിലാണ് പരിപാടി നടത്തുന്നത്.  ജില്ലാതല ഉദ്ഘാടനം ഇന്ന് (മാര്‍ച്ച് 13) രാവിലെ 10ന് മലപ്പുറം എ.യു.പി.എസില്‍ നടക്കും.  

•    1526826 സ്ത്രീ വോട്ടര്‍മാര്‍
•    80972 പുതിയ വോട്ടര്‍മാര്‍
•    18407 ഭിന്നശേഷി വോട്ടുകള്‍
•    ജില്ലയില്‍  2750 ബൂത്തുകള്‍