കേരള മത്സ്യത്തൊഴിലാളി ക്ഷേമനിധി ബോർഡ് മുഖേന നൽകുന്ന പെൻഷൻ ലഭിക്കുന്നവരിൽ ഇതുവരെ ലൈഫ് സർട്ടിഫിക്കറ്റ് ഹാജരാക്കാത്തവർ 28 നകം ഫിഷറീസ് ഓഫീസിൽ നൽകണം. ലൈഫ് സർട്ടിഫിക്കറ്റ് ഹാജരാക്കാത്തവർക്ക് പെൻഷൻ ലഭിക്കില്ല.

പി.എൻ.എക്സ്. 547/19

കേരള സർക്കാർ സ്ഥാപനമായ കെയ്‌സിനു കീഴിൽ പ്രവർത്തിക്കുന്ന നൈസ് അക്കാദമിയിൽ പട്ടികജാതി വിഭാഗത്തിലെ നഴ്‌സുമാർക്കായി പട്ടികവിഭാഗ ഡയറക്ടറേറ്റുമായി ചേർന്ന് സൗജന്യ ഫ്രഷേഴ്‌സ് നഴ്‌സിംഗ് എൻഹാൻസ്‌മെന്റ് പ്രോഗ്രാമും പട്ടികവർഗ വിഭാഗത്തിലുള്ളവർക്ക് ഗൾഫ് മേഖലയിലേക്കുള്ള പരീക്ഷ പാസാകുന്നതിന് പരിശീലനവും നൽകും. യോഗ്യത: ജി.എൻ.എം/ബി.എസ്.സി. പരീക്ഷാ ഫലം പ്രതീക്ഷിക്കുന്നവർക്കും അപേക്ഷിക്കാം. വിശദവിവരങ്ങൾക്ക് 9895762632, 9497319640.

പി.എൻ.എക്സ്. 545/19

പ്രളയത്തിൽ തകർന്ന കേരളത്തെ പുനർരൂപകൽപന ചെയ്യുന്നതിനുൾപ്പെടെ സഹായകമാവുന്ന സെന്റർ ഓഫ് എക്‌സലൻസ് ഇൻ ഡിസൈൻ കേരളത്തിൽ ഉടൻ പ്രവർത്തനം ആരംഭിക്കും. കളമശേരി ടെക്‌നോളജി ഇന്നൊവേഷൻ സോണിലാണ് കേന്ദ്രം പ്രവർത്തനം തുടങ്ങുക. ഡിസൈൻ രംഗത്തെ ലോകത്തെ വൻകിട കമ്പനികൾ ഇവിടേക്ക് വരാൻ താത്പര്യം പ്രകടിപ്പിച്ചിട്ടുണ്ട്. ചില കമ്പനികളുമായി ഉടൻ ധാരണാപത്രം ഒപ്പുവയ്ക്കും. ഇന്നൊവേഷൻ സോണിൽ 15,000 ചതുരശ്ര അടി സ്ഥലമാണ് ഇതിനായി നിശ്ചിയിച്ചിരിക്കുന്നത്. 

പ്രളയത്തെ അതിജീവിച്ച് പുതുജീവിതത്തിനായി തണലൊരുക്കുന്ന തിരക്കിലാണ് ആറന്മുള ഏഴിക്കാട് നിവാസിയായ അനില്‍ വെട്ടിക്കല്‍. കേരളത്തിന്റെ പുനര്‍നിര്‍മിതിയുടെ ഭാഗമായി സംസ്ഥാന സര്‍ക്കാര്‍ കരുതലില്‍ പുതിയ വീട് പൂര്‍ത്തീകരണത്തിലേക്ക് ചുവടുവെക്കുമ്പോള്‍ അനില്‍ നിറഞ്ഞ മനസോടെയാണ് സര്‍ക്കാരിന് നന്ദി പറയുന്നത്. 

കെയര്‍ഹോം ഭവന നിര്‍മാണ പദ്ധതിയില്‍ ഉള്‍പ്പെടുത്തി നിര്‍മിക്കുന്ന വീടുകളുടെ ഗുണഭോക്താക്കള്‍ക്ക് ആശ്വാസ സ്പര്‍ശവുമായി സഹകരണവകുപ്പ്. സഹകരണ തൂവല്‍സ്പര്‍ശം 2019 എന്ന പേരില്‍ ജനകീയ ശ്രമദാന പരിപാടിയിലൂടെ കെയര്‍ഹോം ഗുണഭോക്താക്കള്‍ക്ക് നിര്‍മാണ സാമഗ്രികള്‍ സ്ഥലത്തെത്തിച്ചു നല്‍കി. റോഡ് സൗകര്യമില്ലാത്തതിനാല്‍ നിര്‍മാണ സാമഗ്രികളുടെ കയറ്റിറക്കത്തിന് തുക കണ്ടെത്താന്‍ ഗുണഭോക്താക്കള്‍ ബുദ്ധിമുട്ടുന്നത് ശ്രദ്ധയില്‍പ്പെട്ടപ്പോഴാണ് സഹകരണവകുപ്പ് ശ്രമദാനം പരിപാടി സംഘടിപ്പിച്ചത്. 

മാന്തുക ഗവ.യു.പി സ്‌കൂളിലെ പ്രീപ്രൈമറി കലോത്സവം കുട്ടികളുടെ വിവിധ പരിപാടികളോടെ ആഘോഷിച്ചു. പ്രച്ഛന്നവേഷം ,നൃത്തം, പാട്ട്, പ്രസംഗം, സ്‌കിറ്റ്, ആക്ഷന്‍ സോങ്, ഏകാംഗാഭിനയം, ഗ്രൂപ്പ് ഡാന്‍സ്, ലളിതഗാനം തുടങ്ങി വിവിധ ഇനങ്ങള്‍ പ്രീ പ്രൈമറിയിലെ കുരുന്നുകള്‍ നിറഞ്ഞ സദസില്‍ അവതരിപ്പിച്ചു. പിന്നണി ഗായകന്‍ അനു  വി.സുദേവ് കലാമേള ഉത്ഘാടനം ചെയ്തു. അദ്ധ്യക്ഷത വഹിച്ച ചടങ്ങില്‍ കുളനട ഗ്രാമപഞ്ചായത്തംഗം എല്‍സി ജോസഫ്, പ്രഥമാധ്യാപകന്‍ സുദര്‍ശനന്‍ പിള്ള,  പിടിഎ പ്രസിഡന്റ് വി.അനില്‍, അധ്യാപകരായ ബിന്ദു, ഗീത ദേവി, ബിജു, ലീന, ഇന്ദ്രജിത്ത് എന്നിവര്‍ സംസാരിച്ചു.           (പിഎന്‍പി 539/19)