തൃശൂര്‍ ലോകസഭാ മണ്‌ഡലത്തിലെ അസിസ്റ്റന്റ്‌ റിട്ടേണിംഗ്‌ ഓഫീസറായി ഡെപ്യൂട്ടി കളക്‌ടര്‍ (എല്‍ ആര്‍) എ പി കിരണിനെ റിട്ടേണിംഗ്‌ ഓഫീസറായ ജില്ലാ കളക്‌ടര്‍ ടി വി അനുപമ നിയമിച്ചു.
 

ലോകസഭാ തെരഞ്ഞെടുപ്പിന്റെ മാതൃകാപെരുമാറ്റചട്ടമനുസരിച്ച്‌ സമ്മതിദായകര്‍ക്ക്‌ കൈക്കൂലി നല്‍കുന്നതും അവരെ ഭീഷണിപ്പെടുത്തുന്നതും കുറ്റകരമാണ്‌. ഒരു വ്യക്തിയുടെ രാഷ്‌ട്രീയ അഭിപ്രായങ്ങളോടും പ്രവര്‍ത്തനങ്ങളോടും മറ്റ്‌ രാഷ്‌ട്രീയ പാര്‍ട്ടികള്‍ക്കും സ്ഥാനാര്‍ത്ഥികള്‍ക്കും എത്ര തവണ വെറുപ്പുണ്ടായിരുന്നാലും സമാധാനപരമായും അല്ലലില്ലാതെയും സ്വകാര്യ ജീവിതം നയിക്കാനുളള അയാളുടെ അവകാശത്തെ മാനിക്കണം. രാഷ്‌ട്രീയ അഭിപ്രായഭിന്നതകളുടെ പേരില്‍ വ്യക്തികളുടെ വീടിന്‌ മുന്‍പില്‍ പ്രകടനം നടത്തുക, പിക്കറ്റ്‌ ചെയ്യുക എന്നിവ ഒരു പരിതസ്ഥിതിയിലും ഒരു പാര്‍ട്ടിയും അവലംബിക്കരുത്‌.

ലോകസഭ തെരഞ്ഞെടുപ്പിന്റെ ഭാഗമായി മാതൃകാപെരുമാറ്റച്ചട്ടം നിലവില്‍ വന്നതിനാല്‍ ജില്ലയിലെ മുഴുവന്‍ വകുപ്പ്‌ മേധാവികളും തങ്ങളുടെ കീഴിലുളള സര്‍ക്കാര്‍ കെട്ടിടങ്ങളിലും വസ്‌തുവകകളിലും കോമ്പൗണ്ടുകളിലും പരിസരത്തും ഉളള വിവിധ രാഷ്‌ട്രീയ കക്ഷികളുടെയും സ്ഥാനാര്‍ത്ഥികളുടെയും പോസ്റ്ററുകള്‍, കട്ടൗട്ടുകള്‍, ബോര്‍ഡുകള്‍, ബാനറുകള്‍, കൊടികള്‍ മുതലായവ 24 മണിക്കൂറിനകം മാറ്റണമെന്ന്‌ ജില്ലാ വരണാധികാരിയായ ജില്ലാ കളക്‌ടര്‍ അറിയിച്ചു.

കേരളത്തിലെ കോളേജുകളിലേക്ക് എം.ബി.എ പ്രവേശനത്തിന് അർഹത നേടുന്നതിനുള്ള പ്രവേശനപരീക്ഷയായ കെ-മാറ്റ് കേരള 2019 ജൂൺ 16ന് നടത്തും.  കുസാറ്റിന്റെ ആഭിമുഖ്യത്തിലും പ്രവേശന മേൽനോട്ട സമിതിയുടെ നിയന്ത്രണത്തിലുമാണ് പരീക്ഷ.  ഓൺലൈൻ അപേക്ഷ മാർച്ച് 31 വൈകുന്നേരം 4 വരെ സ്വീകരിക്കും. അപേക്ഷകൾ സമർപ്പിക്കുന്നതിനും വിശദവിവരങ്ങൾക്കും  https.//kmatkerala.in  സന്ദർശിക്കുക.  അവസാനവർഷ ബിരുദ വിദ്യാർത്ഥികൾക്കും പരീക്ഷാഫലം പ്രതീക്ഷിക്കുന്നവർക്കും അപേക്ഷിക്കാം.  ഫോൺ: 0471-2335133, 8547255133.

പി.എൻ.എക്സ്. 927/19

പ്രവാസി ഭാരതീയർ (കേരളീയർ) കമ്മീഷന്റെ ഇടുക്കി ജില്ലയിലെ സിറ്റിംഗ് മാർച്ച് 18ന് രാവിലെ പത്ത് മുതൽ ഒരു മണി വരെ ഇടുക്കി, കുമളിയിലെ, ആനവച്ചാൽ ഇൻസ്‌പെക്ഷൻ ബംഗ്ലാവിൽ നടക്കും. പ്രവാസി ഭാരതീയർ (കേരളീയർ) കമ്മീഷൻ, നോർക്ക സെന്റർ, തൈക്കാട് പി.ഒ, തിരുവനന്തപുരം-14 എന്ന വിലാസത്തിലോ nricommission@kerala.gov.in, secycomsn.nri@kerala.gov.in എന്നീ ഇ-മെയിൽ വിലാസങ്ങളിലോ പരാതികൾ അയയ്ക്കാം.

പി.എൻ.എക്സ്. 926/19

* 4,35,142 പേർ പരീക്ഷയെഴുതും

എസ്.എസ്.എൽ.സി/ റ്റി.എച്ച്.എസ്.എൽ.സി/ എ.എച്ച്.എസ്.എൽ.സി പരീക്ഷകൾ ഇന്ന് (മാർച്ച് 13) ആരംഭിക്കും. 28 വരയാണ് പരീക്ഷ.  സംസ്ഥാനത്ത് 2,923 കേന്ദ്രങ്ങളിലും ലക്ഷദ്വീപിലെ ഒമ്പത് കേന്ദ്രങ്ങളിലും ഗൾഫ് മേഖലയിലെ ഒമ്പത് കേന്ദ്രങ്ങളിലുമായി 4,35,142 വിദ്യാർത്ഥികളാണ് റഗുലർ വിഭാഗത്തിൽ പരീക്ഷയെഴുതുന്നത്.

പൊന്നാനി മാതൃശിശുആശുപത്രിയില്‍ ജനിച്ച ആദ്യകുഞ്ഞിന് 'ശ്രീദുര്‍ഗ്ഗ' യെന്ന്  പേര് നല്‍കിസ്പീക്കര്‍ പി.ശ്രീരാമകൃഷ്ണന്‍. ശ്രീദുര്‍ഗ്ഗയെ പോലെ ശക്തിയുള്ള വളാകട്ടെയെന്നും സ്പീക്കര്‍ആശംസിച്ചു.  കാടഞ്ചേരി പറപ്പൂത്ത് പറമ്പില്‍ സജുവിന്റെയും ആതിരയുടെയും മകളാണ ്മാതൃശിശു ആശുപത്രിയിലെ ആദ്യകുഞ്ഞായ ശ്രീദുര്‍ഗ്ഗ. സിസേറിയനിലൂടെയാണ് ആതിരകുഞ്ഞിന് ജ•ം നല്‍കിയത്.

സര്‍ക്കാര്‍ നടപ്പിലാക്കുന്ന പ്രസവാനന്തരം  അമ്മയ്ക്കുംകുഞ്ഞിനുംവീട്ടിലേക്ക് സൗജന്യയാത്ര  'മാതൃയാനം' പദ്ധതിയുടെ ജില്ലാതലഉദ്ഘാടനം സ്പീക്കര്‍ പി.ശ്രീരാമകൃഷ്ണന്‍ പൊന്നാനി മാതൃശിശുആശുപത്രിയില്‍ ഫ്‌ളാഗ്ഓഫ്‌ചെയ്ത് നിര്‍വഹിച്ചു.  

2019 ലെ ലോക് സഭാ തെരഞ്ഞടുപ്പ് അടുത്ത സാഹചര്യത്തില്‍  സംസ്ഥാനത്തെ പോളിംഗ് ബൂത്തുകളില്‍   മാര്‍ച്ച് രണ്ട്, മൂന്ന് തിയതികളില്‍ പ്രത്യേക ക്യാമ്പുകള്‍ സംഘടിപ്പിക്കുന്നു. പോളിംഗ് ബൂത്തുകള്‍ പ്രവര്‍ത്തിക്കുന്ന  സ്‌ക്കൂളുകളും കോളേജുകളും മറ്റു വിദ്യാഭ്യാസ സ്ഥാപനങ്ങളും  തുറന്ന് പ്രത്യേക ക്യാമ്പയിന്‍ നടത്തുന്നതിന് ആവശ്യമായ സൗകര്യങ്ങള്‍ ബന്ധപ്പെട്ട സ്ഥാപന മേധാവികള്‍ ഏര്‍പ്പെടുത്തണമെന്നും ക്യാമ്പയിന് നിയോഗിച്ചിട്ടുള്ള എല്ലാ ഉദ്യോഗസ്ഥരും ക്യാമ്പ് നടത്തേണ്ടതാണെന്നും  ജില്ലാ കലക്ടര്‍ അറിയിച്ചു.