തൊഴിലുറപ്പ് പദ്ധതിയില്‍ പണിയെടുക്കുന്ന  തൊഴിലാളികളുടെ  ഉച്ച വിശ്രമസമയം മാര്‍ച്ച് ഒന്നു മുതല്‍ ഏപ്രില്‍ 30 വരെ പുന:ക്രമീകരിച്ചതായി  എം.ജി.എന്‍.ആര്‍.ഇ.ജി.എസ് ജോയിന്റ് പ്രോഗ്രാം കോഓര്‍ഡിനേറ്റര്‍ അറിയിച്ചു.

പുല്‍പ്പറ്റ വില്ലേജിലെ പൊതുസ്ഥലം കൈയേറി ആരാധാനലയം നിര്‍മിക്കുന്നു എന്ന പരാതിയില്‍ ഏറനാട് താഹസില്‍ദാറിനോട് റിപ്പോര്‍ട്ട് നല്‍കാന്‍ ജില്ലാതല അഴിമതി നിവാരണ സമിതി ആവശ്യപ്പെട്ടു. ജില്ലാതല അഴിമതി നിവാരണ സമിതി കലക്ടറേറ്റില്‍ സ്ഥാപിച്ച പരാതിപ്പെട്ടിയില്‍ പുല്‍പ്പറ്റ വില്ലേജിലെ   ഒളമതില്‍ രണ്ടത്താണി നിവാസികള്‍ സമര്‍പ്പിച്ച പരാതിയിലാണ് തീരുമാനം.

കോഴിക്കോട്-മലപ്പുറം ജില്ലകളെ ബന്ധിപ്പിക്കുന്നതിന് വാഴക്കാട്, മാവൂര്‍ ഗ്രാമപഞ്ചായത്തുകളിലുള്‍പ്പെടുന്ന എളമരം കടവില്‍ ചാലിയാറിനു കുറുകെ പാലം നിര്‍മ്മിക്കുന്ന പ്രവൃത്തിയുടെ ഉദ്ഘാടനം മാര്‍ച്ച് അഞ്ചിന് വൈകീട്ട് അഞ്ചിന് ഉന്നത വിദ്യാഭ്യാസ വകുപ്പ് മന്ത്രി ഡോ.കെ.ടി.ജലീല്‍ നിര്‍വ്വഹിക്കും. ടി.വി.ഇബ്രാഹീം എം.എല്‍.എ അധ്യക്ഷത വഹിക്കും. എം.പി മാരായ പി.കെ.കുഞ്ഞാലിക്കുട്ടി, എം.കെ.രാഘവന്‍, എളമരം കരീം, ഇ.ടി.മുഹമ്മദ് ബഷീര്‍, പി.ടി.എ.റഹീം എം.എല്‍.എ തുടങ്ങിയവര്‍ പങ്കെടുക്കും.

ജില്ലയില്‍ റേഷന്‍ കാര്‍ഡ്  പുതുക്കലുമായി ബന്ധപ്പെട്ട്  അച്ചടിച്ച 1460 റേഷന്‍ കാര്‍ഡുകള്‍  ഉടമകള്‍ കൈപ്പറ്റാതെ വിവിധ താലൂക്ക് സപ്ലൈ ഓഫീസുകളില്‍ സൂക്ഷിച്ചിട്ടുണ്ട്. ഉടമകള്‍ ആധാര്‍ കാര്‍ഡുമായി ഹാജരായി ഒരാഴ്ചക്കകം കൈ#്പപറ്റണമെന്ന് ജില്ലാ സപ്ലൈ ഓഫീസര്‍ അറിയിച്ചു. കൈപ്പറ്റാത്ത കാര്‍ഡുകള്‍#ോ റദ്ദാക്കും. നിലവിലുള്ള കാര്‍ഡുകള്‍ കൈപ്പറ്റാതെ പുതിയ കാര്‍ഡിന് അപേക്ഷ നല്‍കിയാല്‍ റദ്ദാക്കിയ കാര്‍ഡുകള്‍ പ്രിന്റ് ചെയ്യാന്‍ ചെലവായ തുക പിഴയായി ഈടാക്കും.  വിശദവിവരങ്ങള്‍ ംംം.രശ്ശഹ ൗെുുഹശല െസലൃമഹമ.ഴീ്.ശി ല്‍ ലഭിക്കും.

അന്താരാഷ്ട്ര നിലവാരത്തിലേക്കുയരുന്ന മലപ്പുറം ഗവ ഗേള്‍സ് ഹയര്‍ സെക്കന്ററി സ്‌ക്കൂളിലേക്ക് നഗരസഭ വക  ലാബുകള്‍. മുപ്പത് ലക്ഷത്തോളം ചെലവില്‍ സയന്‍സ് ലാബ്, കമ്പ്യൂട്ടര്‍ ലാബ്, ഫിസിക്‌സ്, ബയോളജി ലാബുകള്‍ എന്നിവയാണ് സ്ഥാപിച്ചത്. മൂന്ന് വിശാലമായ ക്ലാസ് മുറികളിലാണ് ലാബ് സജജീകരിച്ചിട്ടുള്ളത്. പ്രാക്ടിക്കല്‍ പഠനത്തിന് ഇത്രയേറെ സൗകര്യമുള്ള സര്‍ക്കാര്‍ സ്‌കൂളുകള്‍ വിരളമായിരിക്കും. 2018-19 വര്‍ഷത്തെ ജനകീയാസൂത്രണ പദ്ധതിയിലുള്‍പ്പെടുത്തിയാണ് തുക ചെലവഴിച്ചത്.

2019 ലോക്‌സഭാ തിരഞ്ഞെടുപ്പിന്റെ പെരുമാറ്റചട്ടം നിലവില്‍ വന്നതിനാല്‍ തൃശൂര്‍ ഗവ. മെഡിക്കല്‍ കോളേജിലെ ആശുപത്രികളിലേക്കുള്ള ഹോസ്പിറ്റല്‍ അറ്റന്‍ഡന്റ് ഗ്രേഡ് 2 തസ്തികയിലേക്ക് എംപ്ലോയ്‌മെന്റ് എക്‌സ്‌ചേഞ്ച് മുഖേന മാര്‍ച്ച് 11 മുതല്‍ 14 വരെ നടത്തുവാന്‍ നിശ്ചയിച്ചിരുന്ന കൂടിക്കാഴ്ച മാറ്റിവച്ചു. പുതിയ തീയതി പിന്നീട് അറിയിക്കും.