വെയിലേറ്റ് ബുദ്ധിമുട്ടാതെ ലോട്ടറിവില്‍ക്കാന്‍  ലോട്ടറിഏജന്റു മാര്‍ക്കും വില്‍പ്പനക്കാര്‍ക്കും ബീച്ച് അംബ്രല്ല വിതരണംചെയ്തു. സംസ്ഥാനസര്‍ക്കാറിന്റെ ആയിരം ദിനാഘോഷ പരിപാടികളുടെ ഭാഗമായിസംസ്ഥാനഭാഗ്യക്കുറി ഏജന്റ് ആന്‍ഡ് സെല്ലേഴ്‌സ്‌വെല്‍ഫെയര്‍ ഫണ്ട്‌ബോര്‍ഡ്, ക്ഷേമനിധി അംഗങ്ങള്‍ക്കുള്ളബീച്ച് അംബ്രല്ല ജില്ലാതല വിതരണോദ്ഘാടനമാണ്  മുനിസിപ്പല്‍ ചെയര്‍മാന്‍ കെ.ബാവ നിര്‍വ്വഹിച്ചത്.

പൊന്നാനി അഴിമുഖത്ത്  പുനരാരംഭിച്ച ജങ്കാര്‍സര്‍വീസ്‌സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്തു. ഉന്നത വിദ്യഭ്യാസവകുപ്പ് മന്ത്രി ഡോ.കെ .ടിജലീല്‍മുഖ്യാതിഥിയായി.  ഇരുകരകളിലും ആഘോഷ ആരവങ്ങളുയര്‍ത്തി സ്പീക്കറുടെമണ്ഡലത്തില്‍ നിന്നും മന്ത്രിയുടെ മണ്ഡലത്തിലേക്ക് പുറപ്പെട്ട ജങ്കാറിന്റെ ആദ്യയാത്രയില്‍ സ്പീക്കറും മന്ത്രിയും യാത്രക്കാരായി.

ലോകസഭാ തെരഞ്ഞെടുപ്പില്‍ ഉപയോഗിക്കുന്ന ഇ.വി.എം, വി.വി.പാറ്റ് മെഷിനുകള്‍ പരിചയപ്പെടുത്തുന്നതിനായി ജില്ലയിലെ രാഷ്ട്രീയ പാര്‍ട്ടികളുടെ പ്രതിനിധികള്‍ക്ക് മാര്‍ച്ച് അഞ്ചിന് രാവിലെ 11.30ന് കലക്ടറേറ്റിലെ കോണ്‍ഫറന്‍സ് ഹാളില്‍  പ്രദര്‍ശനവും ബോധവത്കരണവും നല്‍കും. പരിപാടിയില്‍ ജില്ലയിലെ രാഷ്ട്രീയ പാര്‍ട്ടി പ്രതിനിധികള്‍ പങ്കെടുക്കണമെന്ന് ജില്ലാകലക്ടര്‍ അറിയിച്ചു.

മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയും ഐ.സി .ഡി .എസും പുഴക്കാട്ടിരി ഗ്രാമപഞ്ചായത്തും സംയുക്തമായി നിര്‍മ്മിച്ച പൊട്ടിപ്പാറ അങ്കണവാടി  കെട്ടിടത്തിന്റെ ഉദ്ഘാടനം ഗ്രാമ പഞ്ചായത്ത് പ്രസിഡന്റ് പി. കെ.ജയറാം നിര്‍വ്വഹിച്ചു. മങ്കട ബ്ലോക്കില്‍  തന്നെ തൊഴിലുറപ്പ് പദ്ധതിയില്‍ നിമ്മിച്ച ആദ്യത്തെ അങ്കണവാടിയാണിത്. പലയക്കോടന്‍ മുഹമ്മദാജി സൗജന്യമായി നല്‍കിയ ആറു സെന്റ് സ്ഥലത്താണ് അങ്കണവാടി നിര്‍മ്മിച്ചിട്ടുള്ളത്.

മേലാറ്റൂരില്‍ 110 കെ.വി സബസ്റ്റേഷനില്‍ മാര്‍ച്ച് മൂന്ന്, നാല് തീയതികളില്‍ നടത്താനിരുന്ന ഷട്ട് ഡൗണ്‍ പ്രവൃത്തികള്‍ മാറ്റിവെച്ചതിനാല്‍ മേലാറ്റൂര്‍ 110 കെ.വി സബ്‌സ്റ്റേഷനില്‍ നിന്നുള്ള വൈദ്യുതി വിതരണം അന്നേ ദിവസം തടസ്സപ്പെടുന്നതല്ല.

ലോകസഭാ തെരഞ്ഞെടുപ്പില്‍ പരിസ്ഥിതി സൗഹൃദമായ  പ്രചാരണം ഉറപ്പുവരുത്തുന്നതിനായി ജില്ലയിലെ വിവിധ രാഷ്ട്രീയ പാര്‍ട്ടി പ്രതിനിധികളുടെ യോഗം മാര്‍ച്ച് അഞ്ചിന് ഉച്ചയ്ക്ക് 12.30ന് ജില്ലാകലക്ടറുടെ ചേമ്പറില്‍  ചേരും. യോഗത്തില്‍ എല്ലാ രാഷ്ട്രീയ പാര്‍ട്ടി പ്രതിനിധികളും പങ്കെടുക്കണമെന്ന് ജില്ലാകലക്ടര്‍ അമിത് മീണ അറിയിച്ചു.

നോര്‍ക്ക പുനരധിവാസ പദ്ധതിയായ നോര്‍ക്ക ഡിപ്പാര്‍ട്ട്‌മെന്റ് പ്രോജക്ട് ഫോര്‍ റിട്ടേണ്‍ഡ് എമിഗ്രന്റ്‌സ് പദ്ധതി പരിചയപ്പെടുത്തുന്നതിനായി ജില്ലയില്‍ സംരഭകത്വ പരിശീലനം സംഘടിപ്പിക്കും. മാര്‍ച്ച് 14 ന് മലപ്പുറം - കോട്ടക്കുന്ന് ബാങ്ക് ഹാളിലാണ് പരിശീലനം. പദ്ധതിയിന്‍ കീഴില്‍ പേരു രജിസ്റ്റര്‍ ചെയ്ത അപേക്ഷകര്‍ക്ക് പരിശീലനത്തില്‍ പങ്കെടുക്കാം.

ഒഴൂര്‍ ഗ്രാമപഞ്ചായത്ത് പരിധിയില്‍ ജലനിധി പദ്ധതി നടപ്പിലാക്കുന്നതിന്റെ ഭാഗമായി റോഡില്‍ പൈപ്പ് ലൈന്‍ സ്ഥാപിച്ചതു മൂലം ഗ്രാമ പഞ്ചായത്ത് റോഡുകള്‍ ക്കുണ്ടായ കേടു പാടുകള്‍ തീര്‍ക്കുന്നതിനായി ഗ്രാമപഞ്ചായത്ത് ഭരണ സമിതിയുടെ നിരന്തര ശ്രമഫലമായി സര്‍ക്കാര്‍ 1.55 കോടി രൂപ അനുവദിച്ചു. ലഭ്യമായ തുക ഉപയോഗിച്ച് 2019 -20 വാര്‍ഷിക പദ്ധതിയില്‍ ഉള്‍പ്പെടുത്തി റോഡുകളുടെ അറ്റ കുറ്റപ്പണികള്‍ പൂര്‍ത്തിയാക്കി മുഴുവന്‍ റോഡുകളും ഗതാഗത യോഗ്യമാക്കുന്നതിന് നടപടി സ്വീകരിക്കുമെന്ന് പ്രസിഡന്റ് കെ.വി.പ്രജിത, വൈസ് പ്രസിഡന്റ് അഷ്‌കര്‍ കോറാട് എന്നിവര്‍ അറിയിച്ചു.