ജില്ലയില്‍ ഏഴ് പേര്‍ കൂടി സൂര്യാതപമേറ്റ് ചികില്‍സ തേടിയതായി ജില്ലാ മെഡിക്കല്‍ ഓഫീസര്‍ ഡോ .ജയശ്രീ വി. അറിയിച്ചു.ഇതോടെ ഈ മാസം ഏഴ് മുതല്‍ ഇതുവരെ ജില്ലയിലെ വിവിധ ആശുപത്രികളില്‍ സൂര്യാതപമേറ്റ് ചികില്‍സക്കെത്തിയവരുടെ എണ്ണം 40 ആയി.
ഇന്ന് കനത്ത ചൂടു മൂലം 2 പേര്‍ക്ക് പൊള്ളലേറ്റ് കരുക്കള്‍ ഉണ്ടായി .ഇതില്‍ ഒരാള്‍ 17 വയസ്സുള്ള വിദ്യാത്ഥിയാണ്. ബാക്കി അഞ്ച് പേര്‍ക്ക് പൊള്ളലേറ്റ ഭാഗങ്ങളില്‍ കരുവാളിപ്പും തടിപ്പും ഉണ്ടായിട്ടുണ്ട്. എല്ലാവരും ഒ.പി. ചികില്‍സ തേടി തിരിച്ചു പോയി.

ഇലക്ഷന്‍ സ്‌ക്വാഡുകള്‍ ഇന്ന് (മാര്‍ച്ച് 27) ജില്ലയില്‍ രേഖകളില്ലാത്ത 15 ലക്ഷം രൂപ പിടിച്ചു.

സ്റ്റാറ്റിക് സര്‍വൈലന്‍സ് പേരാമ്പ്ര സ്‌ക്വാഡ്,  കുറ്റിയാട്- പേരാമ്പ്ര റോഡില്‍ കൂത്താളിയില്‍ വച്ച് 10 ലക്ഷം രൂപയും കോഴിക്കോട് സൗത്ത് സ്‌ക്വാഡ് കസബ വില്ലേജില്‍ 4,97,775 രൂപയും പിടിച്ചെടുത്ത്  കളക്ടറേറ്റ് സീനിയര്‍ ഫിനാന്‍സ് ഓഫീസറുടെ നേതൃത്വത്തിലുള്ള അപ്പീല്‍ കമ്മിറ്റിക്ക് കൈമാറി. 

കോഴിക്കോട് ഗവ. ലോ കോളജിലേക്ക് 2018 അധ്യയന വര്‍ഷത്തില്‍ നടത്തുന്ന എല്‍എല്‍എം കോഴ്സിലേക്കുള്ള സ്പോട്ട് അഡ്മിഷന്‍ ശനിയാഴ്ച (30.3.2019) രാവിലെ 11 മണിക്ക് നടക്കും. കമിഷണര്‍ ഓഫ് എന്‍ട്രന്‍സ് എക്സാമിനേഷന്‍ പ്രസിദ്ധീകരിച്ച കാറ്റഗറി ലിസ്റ്റിന് (എസ്സി-1, എസ്ടി-1, സ്റ്റേറ്റ് മെറിറ്റ്-3) വിധേയമായമായാണ് പ്രവേശനം. ആവശ്യമായ എല്ലാ അസല്‍ രേഖകളും പ്രവേശന സമയത്ത് ഹാജരാക്കണം. റാങ്ക് ലിസ്റ്റില്‍ ഉള്‍പ്പെട്ടവര്‍ മാത്രമേ സ്പോട്ട് അഡ്മിഷന് ഹാജരാകേണ്ടതുള്ളൂവെന്നും പ്രിന്‍സിപ്പല്‍ അറിയിച്ചു.  ഫോണ്‍: 0495 2730680

ആലപ്പുഴ: വിഷരഹിത ജൈവ പച്ചക്കറികൾ, പഴ വർഗ്ഗങ്ങൾ, പച്ചക്കറി തൈകൾ, എന്നിവയുടെ വിപുലമായ വിപണിയൊരുക്കി മാതൃകയാവുകയാണ്  കളക്ടറേറ്റിലെ ഉദ്യോഗസ്ഥർ. കളക്ടറേറ്റിൽ പ്രവർത്തിക്കുന്ന വിവിധ സർക്കാർ വകുപ്പുകളിലെ ജീവനക്കാർ ചേർന്നാണ് ഇവിടേക്ക് ആവശ്യമുള്ള ജൈവ പച്ചക്കറികൾ, പഴങ്ങൾ എന്നിവ സ്വന്തം ഭവനങ്ങളിൽ ഉത്പാദിപ്പിച്ച് വിപണനത്തിനെത്തിച്ചിരിക്കുന്നത്.  എല്ലാ ബുധനാഴ്ച്ചകളിലും ഉച്ചക്ക് 1.30 മുതൽ രണ്ടു മണി വരെയാണ് പച്ചക്കറികളുടെ വിപണനം. ജോലി സമയത്തെ ബാധിക്കാതെ ഉച്ച ഭക്ഷണ സമയത്താണ് വിപണി ഒരുക്കിയിരിക്കുന്നത്.  

ആലപ്പുഴ : ലോക്സഭാ  തിരഞ്ഞെടുപ്പുമായി ബന്ധപ്പെട്ട്  107 ഹരിപ്പാട് മണ്ഡലത്തിലെ  വോട്ടവകാശമുള്ള മുഴുവൻ വോട്ടർമാരെയുംകൊണ്ട് വോട്ട് ചെയ്യിക്കുക എന്ന സന്ദേശവുമായി നങ്ങ്യാർകുളങ്ങര ടി.കെ.എം.എം കോളേജിൽ പോസ്റ്റർ  പ്രകാശനം ്,ഇ.വി.എം, വി.വിപാറ്റ് പരിചയപ്പെടുത്തൽ എന്നിവ നടന്നു.   കോളേജ് പ്രിൻസിപ്പാൾ ഡോ.ഷേർലി.പി.ആനന്ദിന്റെ അധ്യക്ഷതയിൽ നടന്ന ചടങ്ങിൽ ഡെപ്യൂട്ടി കളക്ടറും,ഹരിപ്പാട് എ.ആർ.ഒയുമായ  ഉഷാ കുമാരി ഉദ്ഘാടനം നിർവഹിച്ചു. 

ആലപ്പുഴ: പോളിങ് ജോലിക്ക് നിയമിച്ച ഉദ്യോഗസ്ഥരുടെ നിയമന തിരഞ്ഞെടുപ്പ് ജില്ലാ കളക്ടറുടെ അധ്യക്ഷതയിൽ നടന്നു. ബന്ധപ്പെട്ട ഉദ്യോഗസ്ഥർക്ക് ജോലി സംബന്ധിച്ച്  കത്ത് നൽകാനാണ് തീരുമാനം. അതിന് ശേഷം മാർച്ച് 30, ഒന്ന് , രണ്ട് തീയതികളിൽ ഉദ്യോഗസ്ഥർക്ക് പരിശീലനം നൽകും. അതത് അസി.റിട്ടേണിങ് ഓഫീസറുടെ നേതൃത്വത്തിലായിരിക്കും പരിശീലനം. 

ആലപ്പുഴ: മാവേലിക്കര, ലോകസഭ  നിയോജക മണ്ഡലങ്ങളിലെ അസി. എക്‌സ്‌പെൻഡിച്ചർ ഒബ്‌സർവർമാർ, സ്റ്റാറ്റിക്ക്, സർവ്വലയൻസ്, ഫ്‌ളയിങ് സ്‌ക്വാഡ് എന്നിവരുടെ എക്‌സിക്യൂട്ടീവ് മജിസ്‌ട്രേറ്റുമാർ, വീഡിയോ സർവ്വലയൻസ്, വീഡിയോ വ്യൂവിങ്, അക്കൗണ്ടിങ് ടീമുകളുടെ ചാർജ്ജ് ഓഫീസർമാർ എന്നിവരുടെ യോഗം തിരഞ്ഞെടുപ്പ് ചെലവ് നിരീക്ഷകരുടെ സാന്നിധ്യത്തിൽ മാർച്ച് 29ന് രാവിലെ 10ന് ഡി.പി.ഒ ഹാളിൽ നടത്തും. യോഗത്തിൽ തിരഞ്ഞെടുപ്പ് ചെലവ് നീരീക്ഷകനും തിരഞ്ഞെടുപ്പ് ചെലവ് നോഡൽ ഓഫീസർ കൂടിയായ ജില്ല ഫിനാൻസ് ഓഫീസറും സംഘങ്ങൾക്ക് മാർഗ്ഗനിർദ്ദേശങ്ങൾ നൽകും.

ആലപ്പുഴ: മെയിൽ നടക്കുന്ന 109-ാമത് അഖിലേന്ത്യാ അപ്രന്റീസ്ഷിപ്പ് ട്രേഡ് ടെസ്റ്റിന് അപ്രന്റീസ് ട്രെയിനികളിൽ നിന്ന് നിശ്ചിത ഫോമിൽ അപേക്ഷ ക്ഷണിച്ചു. ജില്ലയിലെ വിവിധ സ്ഥാപനങ്ങളിൽ ആർ.ഐ. സെന്ററിൽ നിന്നും നിയോഗിച്ച് ഏപ്രിൽ 15 വരെ അപ്രന്റീസ്ഷിപ്പ് പൂർത്തിയാക്കുന്നവർക്ക് അപേക്ഷിക്കാം. 0230-ലേബർ ആൻഡ് എംപ്ലോയ്മെന്റ്-00-800-അദർ റസീപ്റ്റ്സ്-88-അദർ ഐറ്റംസ് എന്ന ശീർഷകത്തിൽ പരീക്ഷാഫീസ് ട്രഷറിയിൽ ചെലാൻ അടച്ച് ഒറിജിനൽ രസീത് അപേക്ഷയോടൊപ്പം സമർപ്പിക്കണം. ആദ്യമായി പരീക്ഷ എഴുതുന്നവർ 105 രൂപയും മുമ്പ് എഴുതി തോറ്റവർ 160 രൂപയും ഫീസടയ്ക്കണം. അപേക്ഷ സ്വീകരിക്കുന്ന അവസാന തീയതി ഏപ്രിൽ 12.

ആലപ്പുഴ: വാർഷിക സ്റ്റോക്കെടുപ്പ് പ്രമാണിച്ച് ജില്ല സ്റ്റേഷനറി സ്റ്റോറിൽ നിന്ന് ഏപ്രിൽ ഒന്ന്, രണ്ട് തീയതികളിൽ സ്റ്റേഷനറി വിതരണം ഉണ്ടായിരിക്കുന്നതല്ലായെന്ന് ജില്ല സ്റ്റേഷനറി ഓഫീസർ അറിയിച്ചു.