''എന്റെവോട്ട്എന്റെഅവകാശം, ഒരുവോട്ടു പോലും പാഴായിപോകരുത്'' എന്ന സന്ദേശവുമായി സ്വീപ് തിരൂരുംജെ.സി.ഐയും സംയുക്തമായി തിരൂര്‍ നഗരത്തില്‍ ബൈക്ക് റാലി സംഘടിപ്പിച്ചു. തിരൂര്‍ സെന്‍ട്രല്‍ ജംങ്ഷനില്‍ നിന്നാരംഭിച്ച റാലി ബോയ്‌സ് ഹയര്‍ സെക്കന്‍ഡറി സ്‌കൂള്‍ പരിസരത്ത്‌സമാപിച്ചു. ആര്‍.ഡി.ഒ ബി.പി  സുനിലാല്‍ റാലി ഫ്ളാഗ്ഓഫ്‌ചെയ്തു. പി.ഉണ്ണി, തെസ്നി കമറുദ്ദീന്‍ തുടങ്ങിയവര്‍ സംസാരിച്ചു.

ആരോഗ്യജാഗ്രത 2019, ഭയമല്ല, ജാഗ്രതയാണ്‌വേണ്ടത് എന്ന ലക്ഷ്യത്തോടെ ആരോഗ്യവകുപ്പിന്റെ നേതൃത്വത്തില്‍ മാലിന്യ പരിപാലനവും, പകര്‍ച്ച വ്യാധിയുംവിഷയത്തില്‍ഇന്ന് ഏകദിന ശില്‍പ്പശാല സംഘടിപ്പിക്കുന്നു. പരിപാടിയുടെ ഉദ്ഘാടനം രാവിലെ 9.30ന് ജില്ലാ കലക്ടര്‍ അമിത്മീണ നിര്‍വഹിക്കും. മലപ്പുറം റീജിയന്‍സിയില്‍ നടക്കുന്ന പരിപാടിയില്‍ ജില്ലാമെഡിക്കല്‍ഓഫിസര്‍ഡോക്ടര്‍കെ. സക്കീന അധ്യക്ഷത വഹിക്കും.ഡിപിഎംഡോ.ഷിബുലാല്‍മുഖ്യ പ്രഭാഷണം നടത്തും. ശില്‍പ്പശാലയില്‍വിവിധ വകുപ്പ് മേധാവികള്‍വിഷയങ്ങള്‍അവതരിച്ചുസംസാരിക്കും.

കുടുംബശ്രീ ജില്ലാമിഷന്റെ നേതൃത്വത്തില്‍ കുടുംബശ്രീ കാറ്ററിങ് യൂനിറ്റുകള്‍ക്ക് വേണ്ടി സംഘടിപ്പിച്ച 'വടക്കിനി ജംങ്ഷന്‍' പാചക മത്സരത്തില്‍ മലപ്പുറം എ.ജെ ഇവന്റ്കാറ്ററിങ് യൂനിറ്റിലെ മൈമൂനയും ആബിദയും ഒന്നാംസ്ഥാനം കരസ്ഥമാക്കി. ഇവര്‍ക്ക് 'ചാദിന്റെഹൂറി' പട്ടം കുടുംബശ്രീജില്ലാ മിഷന്‍ കോ-ഓര്‍ഡിനേറ്റര്‍ സി.കെ.ഹേമലത സമ്മാനിച്ചു. കോട്ടക്കുന്ന്ഡിടിപിസിഹാളിലാണ്മത്സരം സംഘടിപ്പിച്ചത്.

ചേലേമ്പ്ര പഞ്ചായത്തിലെ പുല്ലിപ്പറമ്പില്‍ മഞ്ഞപ്പിത്ത ബാധയുണ്ടായ എളന്നുമ്മലിലും സമീപ പ്രദേശങ്ങളിലുംആരോഗ്യവകുപ്പ്  പ്രത്യേകസ്‌ക്വാഡുകള്‍രൂപീകരിച്ച് പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കി. വീടുകള്‍ക്ക് പുറമെ ആരാധനാലയങ്ങള്‍, സ്‌കൂളുകള്‍, കളിസ്ഥലങ്ങള്‍എന്നിവിടങ്ങളിലടക്കംസ്‌ക്വാഡുകള്‍ പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കിയിട്ടുണ്ട്. ജൂനിയര്‍ഹെല്‍ത്ത് ഇന്‍സ്പെക്ടര്‍മാര്‍,ആശാവര്‍ക്കര്‍മാര്‍എന്നിവരടങ്ങുന്ന സംഘമാണ് പ്രദേശത്തെ പ്രതിരോധ പ്രവര്‍ത്തനങ്ങള്‍ ഏകോപിപ്പിക്കുന്നത്.

ജില്ലയിലെ അക്ഷയ സംരംഭകര്‍ക്കായി  മോട്ടോര്‍ വാഹന വകുപ്പിന്റെ ഇ-വാഹന്‍ സോഫ്റ്റ് വെയര്‍ ഉപയോഗിക്കുന്നതുമായി ബന്ധപ്പെട്ട് പരിശീലനം ലന്‍കി. എന്‍ഫോഴ്‌സ്‌മെന്റ്  ആര്‍.ടി.ഒ  ടി.ജി ഗോകുല്‍,   അസി.എം.വി.ഐ  മുഹമ്മദ് ഷഫീഖ് എന്നിവര്‍ നേതൃത്വം നല്‍കി.  ജില്ലാ പ്രൊജക്ട് മാനേജര്‍ മെവിന്‍ വര്‍ഗീസ് എന്‍ടിടിഎഫ്  കോഴ്‌സ് കോഡിനേറ്റര്‍മാരായ  ഫെര്‍ണാണ്ടസ്, ജി ജിതേഷ്  ബ്ലോക്ക് കോഡിനേറ്റര്‍  റഹ്മത്തുള്ള താപ്പി, സാദിഖലി, മുഹമ്മദ് സമീര്‍ എന്നിവര്‍ പങ്കെടുത്തു.

ജില്ലാ സൈനിക ക്ഷേമഓഫീസില്‍ നിന്നും പ്രതിമാസം  6000 രൂപ ധന സഹായം കൈപ്പറ്റുന്ന രണ്ടാം ലോകമഹായുദ്ധ സേനാനികള്‍ / അവരുടെ വിധവകള്‍ ധന സഹായം തുടര്‍ന്ന് ലഭിക്കുന്നതിന് ഏപ്രില്‍ 10നകം ലൈഫ് സര്‍ട്ടിഫിക്കറ്റ്            ജില്ലാ സൈനിക ക്ഷേമ ഓഫീസില്‍ ഹാജരാക്കണം.  ഫോണ്‍ 0483 2734932.

    വാര്‍ഷിക സ്റ്റോക്കെടുപ്പ് പ്രമാണിച്ച് ഏപ്രില്‍ ഒന്ന്, രണ്ട് തിയ്യതികളില്‍ ജില്ലാ സ്റ്റേഷനറി സ്റ്റോറിന് അവധിയായിരിക്കുമെന്ന് ജില്ലാ സ്റ്റേഷനറി ഓഫീസര്‍ അറിയിച്ചു.

    ജില്ലാ ഷട്ടില്‍ ബാഡാമിന്റണ്‍ അസോസിയേഷന്റെ ആഭിമുഖ്യത്തില്‍ ഏപ്രില്‍ എട്ട് മുതല്‍ ബാഡ്മിന്റണ്‍ ഷട്ടില്‍ സമ്മര്‍ കോച്ചിങ് ക്യാമ്പ് മഞ്ചേരി കോസ്‌മോപൊളിറ്റന്‍ ക്ലബില്‍ ആരംഭിക്കും.  അഞ്ച് വയസ്സിന് മുകളിലുള്ള ആണ്‍ കുട്ടികള്‍ക്കും പെണ്‍കുട്ടികള്‍ക്കും പങ്കെടുക്കാം.  ഏപ്രില്‍ അഞ്ചിന് വൈകുന്നേരം അഞ്ചിന് കോസ്‌മോപൊളീറ്റന്‍ ക്ലബ് ഇന്‍ഡോര്‍ സ്റ്റേഡിയത്തില്‍ റിപ്പോര്‍ട്ട് ചെയ്യണം.  ഫോണ്‍ 8111974889.