ആലപ്പുഴ: ജില്ലയിലെ പാചക വാതക വിതരണ രംഗത്തെ പരാതികൾ പരിഹരിക്കുന്നതിനായി എൽ.പി.ജി. കമ്പനി അധികൃതരേയും ജില്ലയിലെ മുഴുവൻ പാചക വാതക വിതരണ ഏജൻസികളേയും ജനപ്രതിനിധികളേയും പൊതുജനങ്ങളേയും സിവിൽ സപ്ലൈസ് വകുപ്പ് ജീവനക്കാരെയും പങ്കെടുപ്പിച്ചുകൊണ്ട് ഏപ്രിൽ രണ്ടിന്  നടത്താൻ നിശ്ചയിച്ചിരുന്ന എൽ.പി.ജി.അദാലത്ത്, ലോക്‌സഭ തിരഞ്ഞെടുപ്പ് തീയതി നിശ്ചയിച്ചിട്ടുളളതിനാൽ മാറ്റിവെച്ചു. പൂതുക്കിയ തീയതി പിന്നീട് അറിയിക്കും. 

ലോക്സഭാ തെരഞ്ഞെടുപ്പിനോടനുബന്ധിച്ച് രാഷ്ട്രീയ പാര്‍ട്ടികളും സ്ഥാനാര്‍ത്ഥികളും  വിവിധ മാധ്യമങ്ങളില്‍ പ്രസിദ്ധപ്പെടുത്തുന്ന പരസ്യങ്ങള്‍ക്കുള്ള മുന്‍കൂര്‍ അനുമതി  ലഭ്യമാക്കുന്നതിനുള്ള 
ജില്ലാതല മീഡിയ സര്‍ട്ടിഫിക്കേഷന്‍ ആന്റ് മോണിട്ടറിംഗ് കമ്മിറ്റി (എം.സി.എം.സി) കളക്ടറേറ്റില്‍ പ്രവര്‍ത്തനമാരംഭിച്ചു.   ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തിലുള്ള മീഡിയ സെന്ററില്‍ അപേക്ഷ സ്വീകരിക്കും.

കമ്മറ്റിക്ക് സമര്‍പ്പിച്ച് അംഗീകാരം നേടിയ പരസ്യങ്ങള്‍ മാത്രമേ  ലോക്‌സഭാ തിരഞ്ഞെടുപ്പു പ്രചാരണവുമായി ബന്ധപ്പെട്ട്  മാധ്യമങ്ങള്‍ക്ക് നല്‍കാവൂ.

കോഴിക്കോട് ലേബര്‍ കോടതിയുടെ ഓഫീസ് ആവശ്യങ്ങള്‍ക്കായും ക്യാമ്പ് സിറ്റിംഗിനായും ഡ്രൈവര്‍ സഹിതം പുതിയ കാര്‍ അഞ്ച് വര്‍ഷത്തേക്ക് മാസ വാടക വ്യവസ്ഥയില്‍ ആവശ്യമുണ്ട്. വാഹനം നല്‍കാന്‍ ആഗ്രഹിക്കുന്ന വ്യക്തികള്‍/സ്ഥാപനങ്ങള്‍ നിശ്ചിത ഫോറത്തില്‍ തയ്യാറാക്കിയ സീല്‍ ചെയ്ത ക്വട്ടേഷനുകള്‍ ഏപ്രില്‍ 20 ന് അഞ്ച് മണിക്കകം കോഴിക്കോട് ലേബര്‍ കോടതിയില്‍ എത്തിക്കണം. 
 

 പൈമ്പാലുശ്ശേരി - മടവൂര്‍ മുക്ക് റോഡില്‍ പൈമ്പാലുശ്ശേരി അങ്ങാടി മുതല്‍ ഇടനിലാവില്‍ റോഡ് വരെ കലുങ്ക്/ഓടയുടെ പ്രവൃത്തികള്‍ നടക്കുന്നതിനാല്‍ ഇന്ന് (മാര്‍ച്ച് 28) മുതല്‍ പ്രവൃത്തി തീരുന്നതുവരെ ഈ റോഡിലൂടെയുളള വാഹന ഗതാഗതം ഭാഗികമായി നിരോധിച്ചു. പൈമ്പാലുശ്ശേരിയില്‍ നിന്നും കൊടുവളളി/മടവൂര്‍ മുക്ക് ഭാഗത്തേക്ക് പോകേണ്ട വാഹനങ്ങള്‍ ആരാമ്പ്രം-കച്ചേരിമുക്ക് കാവിലുമ്മാരം വഴിയം തിരിച്ചും  പോകേണ്ടതാണെന്ന്  എക്സിക്യൂട്ടീവ് എഞ്ചിനീയര്‍  അറിയിച്ചു.മരം ലേലം

 കോഴിക്കോട് ജില്ലയിലെ സാങ്കേതിക വിദ്യാഭ്യാസ വകുപ്പില്‍ ട്രേഡ്സ്മാന്‍ (കെമിക്കല്‍) (കാറ്റഗറി നം. 346/16) തസ്തികയുടെ 2019 മാര്‍ച്ച് 14 ന് നിലവില്‍ വന്ന റാങ്ക് പട്ടികയുടെ പകര്‍പ്പ്  പി.എസ്.സി പ്രസിദ്ധീകരിച്ചു. പട്ടിക ജില്ലാ ഇന്‍ഫര്‍മേഷന്‍ സെന്ററില്‍ പരിശോധനക്ക് ലഭിക്കും.

ജില്ലയുടെ വിവിധ ഭാഗങ്ങളിലായി വരള്‍ച്ചാ ബാധിതപ്രദേശങ്ങളില്‍ സ്ഥാപിച്ച വാട്ടര്‍ കിയോസ്‌ക് ടാങ്കുകളില്‍  കുടിവെളളം വിതരണം ചെയ്യുന്നതിന് ടാങ്കര്‍ വാഹന ഉടമകളില്‍ നിന്നും  ക്വട്ടേഷന്‍ ക്ഷണിച്ചു. ടാങ്കര്‍ വാഹനങ്ങളില്‍ ജി.പി.എസ് ഘടിപ്പിക്കും. താല്‍പര്യമുളളവര്‍ കിലോമീറ്റര്‍ നിരക്ക് രേഖപ്പെടുത്തി, വാഹനം ഓടാന്‍ തയ്യാറുളള താലൂക്ക് രേഖപ്പെടുത്തിയ ക്വട്ടേഷന്‍ മാര്‍ച്ച് 30 ന് അഞ്ചിനകം കലക്ടറേറ്റ് ദുരന്തനിവാരണ സെല്ലില്‍ നല്‍കണം. കൂടുതല്‍ വിവരങ്ങള്‍ കലക്ടറേറ്റ് ദുരന്തനിവാരണ സെല്ലില്‍ നിന്നും ലഭിക്കും. 

ജില്ലയുടെ വിവിധ ഭാഗങ്ങളിലായി വരള്‍ച്ച ബാധിത പ്രദേശങ്ങളില്‍ സ്ഥാപിച്ച വാട്ടര്‍ കിയോസ്‌കുകളിലേക്ക് കുടിവെളളം എത്തിക്കുന്നതിനുളള ടാങ്കര്‍ ലോറികളില്‍ സ്ഥാപിക്കുന്നതിനായി ജി.പി,എസ് സംവിധാനം ഏര്‍പ്പെടുത്തുന്നതിന് സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു.

കര്‍ഷക തൊഴിലാളി ക്ഷേമനിധി ബോര്‍ഡിന്റെ കോഴിക്കോട് ഡിവിഷണല്‍ ഓഫീസിന് കീഴിലെ കര്‍ഷകതൊഴിലാളി അംഗങ്ങളില്‍ 24 മാസത്തിലധികം അംശാദായ കുടിശ്ശിക വരുത്തി അംഗത്വം നഷ്ടപ്പെട്ട തൊഴിലാളികള്‍ക്ക് അംശാദായം അടച്ചു അംഗത്വം പുനഃസ്ഥാപിക്കുന്നതിനുളള അവസാന തീയതി  ആഗസ്റ്റ് 31 വരെ നീട്ടി. 24 മാസത്തിലധികം അംശാദായം കുടിശ്ശിക വരുത്തിയ തൊഴിലാളികളില്‍ നിന്നും കുടിശ്ശിക വരുത്തിയ ഓരോ വര്‍ഷത്തിനും 10 രൂപ നിരക്കില്‍ പിഴ സഹിതം ആഗസ്റ്റ് 31 വരെ കോഴിക്കോട് ഡിവിഷണല്‍ ഓഫീസില്‍ സ്വീകരിക്കും. 60 വയസ്സ് പൂര്‍ത്തിയായ തൊഴിലാളികള്‍ക്ക് കുടിശ്ശിക അടക്കുന്നതി നും അംഗത്വം പുനഃസ്ഥാപിക്കുന്നതിനും അവസരം ഉണ്ടായിരിക്കില്ല.

ഹൈസ്‌കൂള്‍, ഹയര്‍സെക്കന്ററി ക്ലാസ്സുകളില്‍ പഠിക്കുന്ന വിദ്യാര്‍ത്ഥികള്‍ക്ക് അവധിക്കാലത്ത് കമ്പ്യൂട്ടര്‍ശേഷി വികസനത്തിന് പ്രത്യേക പരിശീലനം സ്‌കില്‍ ഡവലപ്മെന്റ് സെന്ററില്‍ ഏപ്രില്‍ ആദ്യവാരം ആരംഭിക്കും. ഗ്രാഫിക് ഡിസൈനിങ്ങ്, വെബ് ഡിസൈനിങ്ങ്, ബേസിക് ഇലക്ട്രോണിക്സ് ആപ്ലിക്കേഷന്‍, കമ്പ്യൂട്ടര്‍ ഹാര്‍ഡ്വെയര്‍ സര്‍വീസിങ്ങ് എന്നീ ഐ.ടി മേഖലകള്‍ സംബന്ധിച്ച പരിശീലനമാണ് ആരംഭിക്കുന്നത്.