ലോക്സഭ തെരഞ്ഞെടുപ്പ് ഹരിത ശുചിത്വ തെരഞ്ഞെടുപ്പായി നടത്തുന്നതുമായി ബന്ധപ്പെട്ട് ജില്ലാ ശുചിത്വമിഷന്‍, ഹരിത കേരള മിഷന്‍ എന്നിവയുടെ നേതൃത്വത്തില്‍ ജില്ലാ ഭരണകൂടവുമായി ചേര്‍ന്ന് തയ്യാറാക്കിയ മാതൃക പോളിംഗ് സ്റ്റേഷന്റെ ഉദ്ഘാടനം ജില്ലാ കലക്ടര്‍ മീര്‍ മുഹമ്മദ് അലി നിര്‍വഹിച്ചു. ഹരിത പെരുമാറ്റച്ചട്ടം അനുസരിച്ച് നടത്തുന്ന തെരഞ്ഞെടുപ്പില്‍ ഓരോ പോളിംഗ് സ്റ്റേഷനുകളിലും ഉണ്ടായിരിക്കേണ്ട സൗകര്യങ്ങളെക്കുറിച്ചും പാലിക്കേണ്ട നിയമങ്ങളെക്കുറിച്ചും വിശദീകരിക്കുന്നതാണ് കലക്ടറേറ്റില്‍ സജ്ജീകരിച്ചിരിക്കുന്ന മാതൃകാ പോളിംഗ് സ്റ്റേഷന്‍. 

 സൂര്യാഘാതം മൂലമുണ്ടാകുന്ന ഗുരുതരമല്ലാത്ത രോഗ ലക്ഷണങ്ങൾക്ക്  ഹോമിയോ സ്ഥാപനങ്ങളിൽ പ്രതിവിധി ലഭ്യമാണെന്ന് ഡയറക്ടർ കെ. ജമുന അറിയിച്ചു. ചൂടുകുരു, സൂര്യതാപം മൂലമുള്ള ലഘുവായ പൊള്ളൽ, കരുവാളിപ്പ് എന്നിവയ്ക്ക് മരുന്നുകൾ ഹോമിയോ ആശുപത്രികളിൽ നിന്നും ലഭിക്കും.

ക്രിമിനൽ കേസുകൾ സംബന്ധിച്ച വിവരങ്ങൾ പരസ്യപ്പെടുത്തുന്നതിൽ സ്ഥാനാർഥികൾ വീഴ്ച വരുത്തിയാൽ കോടതിയലക്ഷ്യത്തിനും തിരഞ്ഞെടുപ്പ് ഹർജികൾക്കും പരിഗണിക്കാവുന്ന കാരണമാകുമെന്ന് മുഖ്യ തിരഞ്ഞെടുപ്പ് ഓഫീസർ ടീക്കാറാം മീണ അറിയിച്ചു.

നിശ്ചിത ഫോർമാറ്റിൽ മേഖലയിലെ പ്രധാനപ്പെട്ട മൂന്ന് പത്രങ്ങളിലും മൂന്ന് പ്രധാന ടി.വി ചാനലുകളിലും മൂന്നു തവണ വീതമാണ് പരസ്യം ചെയ്യേണ്ടത്. നാമനിർദേശപത്രിക പിൻവലിക്കാനുള്ള അവസാന തീയതിയുടെ അടുത്തദിവസം മുതൽ വോട്ടെടുപ്പിന് രണ്ടു ദിവസം മുമ്പുവരെയുള്ള സമയത്താണ് പരസ്യം ചെയ്യേണ്ടത്. ജില്ലയിൽ പ്രചാരമുള്ള മൂന്നു പ്രമുഖ പത്രങ്ങളിലാണ് പരസ്യം നൽകേണ്ടത്.

 കാറ്റഗറി നമ്പര്‍ 539/2016 പ്രകാരം കാസര്‍കോട് ജില്ലയിലെ പഞ്ചായത്ത് വകുപ്പിലെ ലൈബ്രേറിയന്‍ ഗ്രേഡ് 4   തസ്തികയിലേക്ക് പി എസ് സി നടത്തിയ പരീക്ഷയുടെ ഷോര്‍ട്ട് ലിസ്റ്റ് പ്രസിദ്ധീകരിച്ചു.ലിസ്റ്റ് ജില്ലാ ഇന്‍ഫര്‍മേഷന്‍ ഓഫീസില്‍ പരിശോധനയ്ക്ക് ലഭ്യമാണ്.

കാര്‍ഷികാവശ്യത്തിനുള്ള മണ്ണെണ്ണ പെര്‍മിറ്റ്  ഇന്നു (28) മുതല്‍ മഞ്ചേശ്വരം താലൂക്ക് സപ്ലൈ ഓഫീസില്‍ (ബന്തിയോട്) നിന്നും വിതരണം ചെയ്യും. പെര്‍മിറ്റ് വാ ങ്ങുവാന്‍ വരുന്നവര്‍ റേഷന്‍ കാര്‍ഡ്, ആധാര്‍ കാര്‍ഡ്, 50 രൂപ എന്നിവ കൊണ്ടുവരണം.

 ബദിയടുക്ക ഗ്രാമപഞ്ചായത്ത് ഓഫീസ്  മാര്‍ച്ച് 31 നും തുറന്ന് പ്രവര്‍ത്തിക്കും. വസ്തുനികുതി അടുക്കാനുളള സൗകര്യം രാവിലെ  പത്തു മുതല്‍ വൈകുന്നേരം  മൂന്നു വരെ ലഭ്യമാണ്. എല്ലാ നികുതിദായകരും ഈ സൗകര്യം ഉപയോഗിക്കണമെന്ന് ഗ്രാമപഞ്ചായത്ത് സെക്രട്ടറി അറിയിച്ചു. 

 കാസര്‍കോട് ജില്ലാ ടൂറിസം പ്രൊമോഷന്‍ കൗണ്‍സിലിന്റെ ഉടമസ്ഥതയില്‍ കേരളാ- കര്‍ണ്ണാടക അതിര്‍ത്തിയായ തലപ്പാടിയില്‍ സ്ഥിതി ചെയ്യുന്ന വഴിയോര വിശ്രമകേന്ദ്രത്തിലെ റസ്റ്റോറന്റ്, കിച്ചണ്‍, ടോയ്‌ലറ്റ്, പാര്‍ക്കിംഗ് സൗകര്യം എന്നിവ   മൂന്ന് വര്‍ഷത്തേക്ക് നടത്തിപ്പിന് നല്‍കുന്നു. അപേക്ഷാഫോം ഏപ്രില്‍ അഞ്ചു  വരെ വിദ്യാനഗറിലുളള      ഡി.ടി.പി.സി. ഓഫീസില്‍ നിന്ന് ലഭിക്കും. പൂരിപ്പിച്ച അപേക്ഷ  ഏപ്രില്‍ ആറിന്  ഉച്ചയ്ക്ക് മൂന്നിനകം സമര്‍പ്പിക്കണം. കൂടുതല്‍ വിവരങ്ങള്‍ക്ക് ഡി.ടി.പി.സി. ഓഫീസുമായി ബന്ധപ്പെടുക. ഫോണ്‍:  04994-256450.

കട്ടപ്പന ഗവണ്‍മെന്റ് ഐ.ടി.ഐയില്‍ ഐ.എം.സിയുടെ ആഭിമുഖ്യത്തില്‍ ടോട്ടല്‍ സ്റ്റേഷന്‍ സര്‍വ്വേ, സി.സി.റ്റി.വി ടെക്‌നീഷ്യന്‍ എന്നീ ഹ്രസ്വകാല കോഴ്‌സുകളിലേക്ക് പ്രവേശനം ആരംഭിച്ചു. കൂടുതല്‍ വിവരങ്ങള്‍ക്ക് ഫോണ്‍ 04868 272216.

ലോക്‌സഭ തെരഞ്ഞെടുപ്പ് : ഹരിതചട്ടം