കോഴിക്കോട് ഗവൺമെന്റ് ലോ കോളേജിൽ എൽ.എൽ.എം കോഴ്‌സിലേക്കുളള സ്‌പോട്ട് അഡ്മിഷൻ, കമ്മീഷണർ ഓഫ് എൻട്രൻസ് എക്‌സാമിനേഷൻ പ്രസിദ്ധികരിച്ച കാറ്റഗറി ലിസ്റ്റിന് വിധേയമായി (എസ്.സി - ഒന്ന്, എസ്.റ്റി - ഒന്ന്, സ്റ്റേറ്റ് മെറിറ്റ് - മൂന്ന്) മാർച്ച് 30ന് രാവിലെ 11ന് നടക്കും. അഡ്മിഷന് ആവശ്യമായ എല്ലാ അസൽ രേഖകളും സ്‌പോട്ട് അഡ്മിഷൻ സമയത്ത് ഹാജരാക്കണം. റാങ്ക് ലിസ്റ്റിൽ ഉൾപ്പെട്ടവർ മാത്രമേ സ്‌പോട്ട് അഡ്മിഷന് ഹാജരാകേണ്ടതുളളൂ എന്നും പ്രിൻസിപ്പാൾ അറിയിച്ചു. ഫോൺ: 0495-2730680.

പി.എൻ.എക്സ്. 1007/19

ഹോസ്ദുര്‍ഗ് താലൂക്ക് വികസന സമിതിയുടെ ഏപ്രില്‍ മാസത്തെ യോഗം ഏപ്രില്‍  ആറിന് രാവിലെ 11 ന് ഹോസ്ദുര്‍ഗ് താലൂക്ക് ഓഫീസ് കോണ്‍ഫറന്‍സ് ഹാളില്‍ ചേരും.

 

പെരിയ സര്‍ക്കാര്‍ പോളിടെക്‌നിക് കോളേജില്‍ 2011-12, 2012-13 അധ്യായന വര്‍ഷത്തില്‍ റഗുലര്‍ ഡിപ്ലോമ കോഴ്‌സിന് പ്രവേശനം നേടിയവരുടെയും 2012-13 അധ്യയന വര്‍ഷത്തില്‍ സായാഹ്ന ഡിപ്ലോമ കോഴ്‌സിന് പ്രവേശനം നേടിയവരുടെയും തിരിച്ചു കൈപ്പറ്റാത്ത കോഷന്‍ ഡിപ്പോസിറ്റുകള്‍ ഏപ്രില്‍ 17 വരെ ഓഫിസില്‍ നിന്നും വിതരണം ചെയ്യും.കൈപ്പറ്റാത്ത തുക കാലഹരണപ്പെട്ട കോഷന്‍ ഡിപ്പോസിറ്റുകളായി കണക്കാക്കി സര്‍ക്കാര്‍ ഖജനാവിലേക്കിലേക്ക് ചേര്‍ക്കും.

സൂപ്പര്‍ഫാസ്റ്റ്, ടൗണ്‍ ടു ടൗണ്‍ തുടങ്ങിയവയുള്‍പ്പെടെയുള്ള ദീര്‍ഘദൂര കെഎസ്ആര്‍ടിസി ബസുകളില്‍ മിനിമം ടിക്കറ്റ് നിരക്ക് അറിക്കുന്നതിനായി ബോര്‍ഡ് പ്രദര്‍ശിപ്പിക്കണമെന്ന പരാതിയില്‍ കോര്‍പ്പറേഷന്‍ എംഡിയോട് ഉചിതമായ നടപടി സ്വീകരിക്കാന്‍ മനുഷ്യാവകാശ കമ്മീഷന്‍ ആവശ്യപ്പെട്ടു. കാസര്‍കോട് പിഡബ്ല്യൂഡി റെസ്റ്റ് ഹൗസില്‍ നടത്തിയ മനുഷ്യാവകാശ കമ്മീഷന്‍ സിറ്റിങിലാണ് കമ്മീഷന്‍ അംഗം കെ മോഹന്‍കുമാര്‍ കെഎസ്ആര്‍ടിസിയോട് നടപടി ആവശ്യപ്പെട്ടത്.

 ലോക്‌സഭ തെരഞ്ഞടുപ്പ് നടത്തിപ്പിനായി പോളിംഗ്  ഉദ്യോഗസ്ഥര്‍ക്കുള്ള ആദ്യ ഘട്ട പരിശീലനം പെരിയ ഗവര്‍മെന്റ് പോളിടെക്‌നിക്കില്‍ ജില്ലാ കളക്ടര്‍ ഡോ ഡി സജിത്ത് ബാബു ക്ലാസ്  എടുത്തുകൊണ്ട് ഉദ്ഘാടനം ചെയ്തു. പരിശീലനത്തില്‍ പങ്കെടുക്കുന്ന മുഴുവന്‍ പോളിംഗ് ഉദ്യോഗസ്ഥര്‍ക്കും ആവശ്യമായ  നിര്‍ദ്ദേശങ്ങള്‍ കളക്ടര്‍ നല്‍കി. തെരഞ്ഞെടുപ്പ് സുഗമമായി നടത്താനുള്ള എല്ലാ വിവരങ്ങളും ബോധ്യപ്പെട്ടതിന്  ശേഷം മാത്രമെ ക്ലാസ് വിട്ട് പോകാവുവെന്നും രണ്ടാം ഘട്ട പരിശീലനത്തില്‍ ഉള്‍പ്പെടുത്താവുന്ന അധിക വിവരങ്ങളെ സംബന്ധിച്ച് നിര്‍ദേശം നല്‍കാനും കളക്ടര്‍ ആവശ്യപ്പെട്ടു.

കാസര്‍കോട് നിയോജക മണ്ഡലത്തില്‍ വോട്ട് വണ്ടിയുടെ പ്രചാരണം ഇന്നു  (28)മുതല്‍ ആരംഭിക്കും. വിവിപാറ്റ് മെഷീന്‍ പരിചയപ്പെടുന്നതിനു വോട്ട് വണ്ടിയിലെ സൗകര്യം ജനങ്ങള്‍ പരമാവധി പ്രയോജനപ്പെടുത്തണമെന്നു ജില്ലാ കളക്ടര്‍  ഡോ. ഡി സജിത് ബാബു അറിയിച്ചു. മഞ്ചേശ്വരം മണ്ഡലത്തിലെ എല്ലാ വില്ലേജുകളിലും വോട്ട് വണ്ടി പര്യടനം പൂര്‍ത്തിയാക്കി. വിവിപാറ്റ് മെഷീന്റെ പ്രവര്‍ത്തനങ്ങളെക്കുറിച്ച് ജനങ്ങളില്‍ അവബോധം ഉണ്ടാക്കുന്നതിന്റെ ഭാഗമായാണ് ജില്ലയില്‍ വോട്ട് വണ്ടിയുടെ പ്രചാരണം നടത്തുന്നത്. 

ലോക്‌സഭാ തെരഞ്ഞടുപ്പില്‍  ജില്ലയില്‍ ഏറ്റവും കൂടുതല്‍ ഭിന്നശേഷി വോട്ടര്‍മാരുള്ളത് ഉദുമ, മഞ്ചേശ്വരം നിയോജക മണ്ഡലങ്ങളില്‍. ഉദുമയില്‍ 1217 ഭിന്നശേഷി വോട്ടര്‍മാരും മഞ്ചേശ്വരത്ത് 1206 വോട്ടര്‍മാരുമാണുള്ളത്. 

 ലോക്‌സഭ തെരഞ്ഞെടുപ്പുമായി ബന്ധപ്പെട്ട ജോലികള്‍ അടിയന്തരമായി ചെയ്തു തീര്‍ക്കേണ്ടതിനാല്‍ മാര്‍ച്ച് മാസത്തെ സ്യൂട്ട് / എംപവര്‍മെന്റ്  യോഗങ്ങള്‍ മാറ്റിവച്ചു.  പുതുക്കിയ തീയതി പിന്നീട് അറിയിക്കും. 

ലോക്സഭാ തെരഞ്ഞെടുപ്പില്‍ ഇന്ന്(മാര്‍ച്ച് 28) മുതല്‍ ഏപ്രില്‍ 4 വരെ നാമനിര്‍ദ്ദേശ പത്രിക സമര്‍പ്പിക്കാം. രാവിലെ 11  മുതല്‍ ഉച്ചകഴിഞ്ഞ്  മൂന്നു വരെയാണ് പത്രികാ സമര്‍പ്പണത്തിനുള്ള സമയം. പത്രികകള്‍ ജില്ലാ വരണാധികാരിക്കോ   അദ്ദേഹത്തിന്റെ അഭാവത്തില്‍ പ്രത്യേക  ചുമതല നല്‍കിയിട്ടുള്ള അസിസ്റ്റന്റ് റിട്ടേണിംഗ്  ഓഫീസര്‍ക്കോ സമര്‍പ്പിക്കാം. ഒരു സ്ഥാനാര്‍ത്ഥിക്ക് നാലുസെറ്റ് പത്രികകള്‍വരെ നല്‍കാം.

ലോക്‌സഭ തെരഞ്ഞെടുപ്പ്:

പത്രിക സമര്‍പ്പണം നാളെ(മാര്‍ച്ച് 28) മുതല്‍