ലോക സഭാ തെരഞ്ഞെടുപ്പില്‍ മത്സരിക്കുന്ന സ്ഥാനാര്‍ഥികള്‍ ഫോട്ടോ പതിച്ച നോമിനേഷന്‍ പത്രികയോടൊപ്പം വോട്ടിങ് യന്ത്രത്തില്‍ പ്രിന്റ് ചെയ്യുന്നതിനായി ഒരു ഫോട്ടോ അധികമായി നല്‍കണമെന്ന് ചീഫ് ഇലക്ടറല്‍ ഓഫീസര്‍ അറിയിച്ചു. നല്‍കേണ്ട ഫോട്ടോയെ സംബന്ധിച്ച വിശദ വിവരങ്ങള്‍ എആര്‍ഒ മാരില്‍ നിന്നും കലക്ടറേറ്റിലെ ഇലക്ഷന്‍ വിഭാഗത്തില്‍ നിന്നും ലഭിക്കും.

ലോക്സഭാ തിരഞ്ഞെടുപ്പുമായി ബന്ധപ്പെട്ട് ആന്റി ഡിഫേഴ്സ്മെന്റ് സ്‌ക്വാഡില്‍ നിയോഗിക്കപ്പെട്ട പോലീസ് ഉദ്യോഗസ്ഥരുടെ രണ്‍ണ്ടാമത്തെ ബാച്ചിന്റെ പരിശീലനം കളക്ടറേറ്റ് മിനി കോണ്‍ഫറന്‍സ് ഹാളില്‍ നടത്തി. അഡീഷണല്‍ പോലീസ് സൂപ്രണ്‍ണ്ട് മുഹമ്മദ് ഷാഫി അധ്യക്ഷത വഹിച്ച പരിശീലന പരിപാടിയില്‍ പ്രകാശ് കെ.എസ് ക്ലാസുകള്‍ നയിച്ചു. എക്സ്പന്‍ഡിച്ചര്‍ മോണിറ്ററിംഗ് കമ്മിറ്റി  നോഡല്‍ ഓഫീസര്‍ അജി ഫ്രാന്‍സീസ്, എം.പി ഗോപാലകൃഷ്ണന്‍ നായര്‍ തുടങ്ങിയവര്‍ സംസാരിച്ചു.

തൊടുപുഴ നിയോജകമണ്ഡലത്തിലെ തൊടുപുഴ, കരിമണ്ണൂര്‍, അമയപ്ര, മണക്കാട്, കരിങ്കുന്നം, നടുക്കണ്ടം, മുട്ടം, കോളപ്ര, തുടങ്ങനാട്, വെള്ളിയാമറ്റം, ആലക്കോട്, ഇടവെട്ടി, കലയന്താനി എന്നീ പ്രദേശങ്ങളില്‍ ആന്റി ഡിപേയ്‌സ്‌മെന്റ് സ്‌ക്വാഡ് നിരീക്ഷണം നടത്തി  പൊതുസ്ഥലത്ത് സ്ഥാപിച്ച 221 പോസ്റ്ററുകള്‍, 2 ഫ്‌ളക്‌സുകള്‍, സ്വകാര്യ സ്ഥലത്ത് സ്ഥാപിച്ച 15ഫ്‌ളക്‌സ് ബോര്‍ഡുകള്‍ , 20 കൊടികള്‍ എന്നിവ നീക്കം ചെയ്തു.

തൊടുപുഴ നിയോജകമണ്ഡലത്തിലെ തൊടുപുഴയില്‍ സ്വകാര്യ സ്ഥലത്ത് സ്ഥാപിച്ചിരുന്ന ബോര്‍ഡിനെ സംബന്ധിച്ച് ഇലക്ഷന്‍ കമ്മീഷന്റെ വെബ്‌സൈറ്റായ സി വിജിലില്‍ രജിസ്റ്റര്‍ ചെയ്ത പരാതി ആന്റി ഡീഫേസ്‌മെന്റ് സ്‌ക്വാഡ് സ്ഥലപരിശോധന നടത്തി ബോര്‍ഡ് നീക്കം ചെയ്ത് പരാതി പരിഹരിച്ചു.