കാഞ്ഞങ്ങാട് ജില്ലാ ആശുപത്രിയിലെ ബ്ലഡ് ബാങ്ക്, പ്രസവ വാര്‍ഡ് എന്നിവിടങ്ങളിലേക്കുളള തകരാറിലായ യു.ജി കേബിള്‍ മാറ്റുന്നതിന് ദര്‍ഘാസ് ക്ഷണിച്ചു. ദര്‍ഘാസ് ഏപ്രില്‍ ഒന്‍പതിന് രാവിലെ 11 നകം സമര്‍പ്പിക്കണം. കൂടുതല്‍ വിവരങ്ങള്‍ക്ക്- 0467 2217018 
 

 ബേഡഡുക്ക ഗ്രാമപഞ്ചായത്തിലെ 17 വാര്‍ഡുകളിലേയും ശുദ്ധജല ക്ഷാമം അനുഭവിക്കുന്ന പ്രദേശങ്ങളില്‍ കുടിവെളള വിതരണം നടത്തുവാന്‍ താല്‍പര്യമുളളവരില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ ഏപ്രില്‍ മൂന്നിന്  ഉച്ചയ്ക്ക് രണ്ടു മണിക്കകം പഞ്ചായത്തില്‍ സമര്‍പ്പിക്കണം.കൂടുതല്‍ വിവരങ്ങള്‍ക്ക്-04994 210235 ,210236 
 

 കേന്ദ്ര-സംസ്ഥാന വകുപ്പുകളുടെയും മറ്റ് ഏജന്‍സികളുടെയും സ്‌കില്‍ ട്രെയിനിംഗ് പരിപാടികള്‍ ഗ്രാമതലത്തില്‍ എത്തിക്കുന്നതിന് സംസ്ഥാനത്തെ മുഴുവന്‍ ബ്ലോക്ക് ആസ്ഥാനങ്ങളിലും സ്‌കില്‍ സെന്ററുകള്‍ തുടങ്ങും. നാഷണല്‍ സ്‌കില്‍ ഡെവലപ്‌മെന്റ് ബോര്‍ഡ് സന്നദ്ധ സംഘടനകളിലൂടെയാണ് സെന്ററുകള്‍ ആരംഭിക്കുന്നത്. 

  ജില്ലാ ഭരണകൂടത്തിന്റെയും സാക്ഷരതാമിഷന്റെയും ആഭിമുഖ്യത്തില്‍ പോളിംഗ് സാക്ഷരതാപരിപാടി സംഘടിപ്പിച്ചു.  ജില്ലാ ഭരണകൂടത്തിന്റ സ്വീപ്പ്  പ്രോഗ്രാമിന്റെ ഭാഗമാണ് പരിപാടി സംഘടിപ്പിച്ചത്.  ജില്ലാപഞ്ചായത്തിനു മുന്‍പില്‍ പത്താം തരം ഹയര്‍ സെക്കന്ററി തുല്യതാ പഠിതാക്കള്‍ വോട്ട് പ്രതിജ്ഞ എടുത്തു.  സ്വീപ്പ് നോഡല്‍ ഓഫീസറും സഹകരണവകുപ്പ് ജോയിന്റ് രജിസ്ട്രാറുമായ വി.മുഹമ്മദ് നൗഷാദ് ഉദ്ഘാടനം ചെയ്തു.  ജില്ല പഞ്ചായത്ത് സെക്രട്ടറി പി.

ലോക്‌സഭാ തെരഞ്ഞടുപ്പിന്റെ ഭാഗമായി വോട്ടര്‍മാരുടെ സംശയങ്ങള്‍ ദൂരികരിക്കാനും വിവിപാറ്റ് മെഷീന്റെ പ്രവര്‍ത്തനങ്ങളെക്കുറിച്ച് ജനങ്ങളില്‍ അവബോധം സൃഷ്ടിക്കാനും ജില്ലയില്‍ വോട്ട്‌വണ്ടി പ്രചാരണം തുടങ്ങി. ആദ്യഘട്ടത്തില്‍ മഞ്ചേശ്വരം നിയോജക മണ്ഡലത്തില്‍ പര്യടനം പൂര്‍ത്തിയാക്കി കാസര്‍കോട്  നിയോജക മണ്ഡലത്തില്‍ പര്യടനം തുടരുകയാണ് വോട്ട് വണ്ടി. 

പരിസ്ഥിതി സൗഹൃദ തെരഞ്ഞെടുപ്പ് എന്ന സന്ദേശം പകരാന്‍ ശുചിത്വമിഷന്റെ നേതൃത്വത്തില്‍ കാഞ്ഞങ്ങാട് ഏപ്രില്‍ നാലിന് ഹരിത റാലി നടത്തും. വൈകുന്നേരം മൂന്നിന് കാഞ്ഞങ്ങാട് താലൂക്ക് ഓഫീസ്  പരിസരത്ത് നിന്നാരംഭിക്കുന്ന റാലി   കോട്ടച്ചേരിയില്‍ സമാപിക്കും. ഹരിത തെരഞ്ഞെടുപ്പ് ലോഗോ പതിച്ച ജേഴ്‌സിയണിഞ്ഞ് എന്‍ എസ് എസ് വിദ്യാര്‍ത്ഥികള്‍, വളണ്ടിയര്‍മാര്‍, ഹരിത കര്‍മ്മ സേനാംഗങ്ങള്‍, ശുചിത്വ മിഷന്‍ ജീവനക്കാര്‍, കാഞ്ഞങ്ങാട് മുനിസിപ്പാലിറ്റി ഹെല്‍ത്ത് വിഭാഗം ജീവനക്കാര്‍ എന്നിവര്‍   റാലിയില്‍ പങ്കെടുക്കും.

തെരഞ്ഞെടുപ്പ് ഉദ്യോഗസ്ഥര്‍ക്കും  കാസര്‍കോട് ജില്ലയിലെ വോട്ടര്‍മാര്‍ക്കും  പോളിങ് ബൂത്തുകള്‍ എളുപ്പത്തില്‍  കണ്ടുപിടിക്കുന്നതിനായി ഇനി ക്യു ആര്‍ കോഡും  പ്രയോജനപ്പെടുത്താം. ഇന്ത്യയിലാദ്യമായാണ് തെരഞ്ഞെടുപ്പിനായി ഒരു ജില്ലയില്‍ ക്യൂ ആര്‍ കോഡ് സാങ്കേതിക വിദ്യ ഉപയോഗിക്കുന്നത്. ഇതിലൂടെ പോളിങ് ബൂത്ത് സ്ഥിതി ചെയ്യുന്ന പ്രദേശമുള്‍പ്പെടെയുള്ള വിവരങ്ങള്‍  നിമിഷങ്ങള്‍ക്കകം കണ്ടെത്താന്‍ സാധിക്കും. ജില്ലാ കളക്ടര്‍ ഡോ. ഡി സജിത് ബാബുവിന്റെ പ്രത്യേക താല്‍പര്യപ്രകാരം ഫിനെക്‌സ്റ്റ് ഇന്നവേഷന്‍സ് എന്ന സ്റ്റാര്‍ട്ടപ് കമ്പനിയാണ് പദ്ധതിക്ക് വേണ്ട മൊബൈല്‍ ആപ്ലിക്കേഷന്‍ നിര്‍മ്മിച്ചിരിക്കുന്നത്.

ലോക്‌സഭാ തെരഞ്ഞെടുപ്പില്‍ നാമനിര്‍ദേശ പത്രിക സമര്‍പ്പിക്കാനുള്ള ആദ്യ ദിനമായ ഇന്നലെ (മാര്‍ച്ച് 28) കാസര്‍ഗോഡ് ലോക്‌സഭാ മണ്ഡലത്തില്‍ ആരും പത്രിക നല്‍കിയില്ല.

 പത്രിക നല്‍കുമ്പോള്‍ ശ്രദ്ധിക്കേണ്ട കാര്യങ്ങള്‍:

തിരുവനന്തപുരം മേഖല സ്റ്റേഷനറി ആഫീസിലെ വാർഷിക സ്റ്റോക്കെടുപ്പ് പ്രമാണിച്ച് ഏപ്രിൽ ഒന്ന്, രണ്ട്, മൂന്ന് തിയതികളിൽ സ്റ്റേഷനറി വിതരണം ഉണ്ടായിരിക്കുന്നതല്ലെന്ന് അസിസ്റ്റന്റ് സ്റ്റേഷനറി കൺട്രോളർ അറിയിച്ചു.

പി.എൻ.എക്സ്. 1010/19

ജസ്റ്റിസ് സിറിയക് ജോസഫ് കേരള ലോകായുക്തയായി സത്യപ്രതിജ്ഞ ചെയ്ത് സ്ഥാനമേറ്റു. രാജ്ഭവനിൽ നടന്ന ചടങ്ങിൽ ഗവർണർ ജസ്റ്റിസ് പി.സദാശിവം സത്യപ്രതിജ്ഞ ചൊല്ലിക്കൊടുത്തു. നേരത്തെ ചീഫ് സെക്രട്ടറി ടോം ജോസ് ലോകായുക്തയായി ജസ്റ്റിസ് സിറിയക് ജോസഫിനെ നിയമിച്ചുകൊണ്ടുള്ള വിജ്ഞാപനം വായിച്ചു.

മുഖ്യമന്ത്രി പിണറായി വിജയൻ, മന്ത്രി കെ.രാജു, പ്രതിപക്ഷനേതാവ് രമേശ് ചെന്നിത്തല, ഒ.രാജഗോപാൽ എംഎൽഎ, മേയർ വി.കെ.പ്രശാന്ത്, ഡിജിപി ലോക്‌നാഥ് ബെഹ്‌റ, മറ്റ് ഉന്നതോദ്യോഗസ്ഥർ, ജസ്റ്റിസ് സിറിയക് ജോസഫിന്റെ കുടുംബാംഗങ്ങൾ തുടങ്ങിയവർ സന്നിഹിതരായിരുന്നു.

പി.എൻ.എക്സ്. 1009/19