ആയുര്‍വേദ ഔഷധങ്ങള്‍ ഉല്‌പാദിപ്പിക്കുന്ന കേന്ദ്രമാക്കി ജില്ലയിലെ പട്ടികവര്‍ഗ്ഗ മേഖലയെ മാറ്റുമെന്നും ഇതിലൂടെ പട്ടികവര്‍ഗ്ഗ മേഖലയിലെ ജനങ്ങള്‍ക്ക്‌ മികച്ച ജീവനോപാധി സര്‍ക്കാര്‍ ഉറപ്പുനല്‍കുമെന്നും കൃഷി വകുപ്പ്‌മന്ത്രി അഡ്വ. വി.എസ്‌. സുനില്‍കുമാര്‍. തേക്കിന്‍കാട്‌ മൈതാനത്തെ ലേബര്‍ കോര്‍ണറില്‍ 1000 ദിനാഘോഷങ്ങളുടെ ഭാഗമായി നടത്തിയ 'കാര്‍ഷിക വികസനം-തൃശൂരിന്റെ കരുത്തും പ്രതീക്ഷകളും' എന്ന സെമിനാര്‍ ഉദ്‌ഘാടനം ചെയ്‌ത്‌ സംസാരിക്കുകയായിരുന്നു മന്ത്രി. ജില്ലയെ ഔഷധ സസ്യ കൃഷിയിലേക്ക്‌ മാറ്റുന്നതിന്റെ ഭാഗമായാണ്‌ ഇത്‌. ട്രൈബല്‍ മേഖലയില്‍ സമ്പുഷ്ടമായ ഔഷധ സസ്യങ്ങളുടെ കലവറയുണ്ട്‌.

*നവീകരിച്ച വെബ്‌സൈറ്റുകളും മൊബൈൽ ആപ്പും ഉദ്ഘാടനം ചെയ്തു

പൊതുമരാമത്ത് വകുപ്പിൽ നേരിട്ടുള്ള നിയമനത്തിലൂടെയും സ്ഥാനക്കയറ്റത്തിലൂടെയും നിയമിതരായ അസിസ്റ്റന്റ് എൻജിനീയർമാരുടെ(സിവിൽ) 2012 ജനുവരി ഒന്ന് മുതൽ 2016 ഡിസംബർ 31 വരെയുള്ള അന്തിമ സീനിയോറിറ്റി ലിസ്റ്റ് വകുപ്പിന്റെ ഔദ്യോഗിക വെബ്‌സൈറ്റായ  www.keralapwd.gov.in  ൽ പ്രസിദ്ധീകരിച്ചു.

പി.എൻ.എക്സ്. 656/19

പൊതുമരാമത്ത് വകുപ്പിൽ 2016 ജനുവരി ഒന്ന് - 2018 മാർച്ച് 31 കാലയളവിൽ നിയമനം ലഭിച്ച എൽ.ഡി.ടൈപ്പിസ്റ്റുമാരുടെ താല്ക്കാലിക സീനിയോറിറ്റി ലിസ്റ്റ് വകുപ്പിന്റെ ഔദ്യോഗിക വെബ്‌സൈറ്റായ www.keralapwd.gov.in     ൽ പരിശോധനയ്ക്കായി ലഭിക്കും.

പി.എൻ.എക്സ്. 655/19

പാർക്കിൻസൺസ് രോഗിയുടെ ദൈനംദിന പ്രവൃത്തികൾ മെച്ചപ്പെടുത്തുന്നതിനായി തിരുവനന്തപുരം ഗവ.ആയുർവേദ കോളേജ് ആശുപത്രിയിലെ ഒ.പി.നമ്പർ 1-ൽ ചൊവ്വ, വെള്ളി ദിവസങ്ങളിൽ രാവിലെ 09.00 മുതൽ 12.30 വരെ ഗവേഷണാടിസ്ഥാനത്തിൽ സൗജന്യ ചികിത്സ ലഭ്യമാണെന്ന് പ്രിൻസിപ്പാൾ അറിയിച്ചു.

പി.എൻ.എക്സ്. 654/19

കണ്ണൂർ കല്യാട് സ്ഥാപിക്കുന്ന അന്താരാഷ്ട്ര ആയുർവേദ ഗവേഷണകേന്ദ്രത്തിന്റെ ശിലാസ്ഥാപനം ഇന്ന് (ഫെബ്രുവരി 22) വൈകുന്നേരം അഞ്ചിന് മുഖ്യമന്ത്രി പിണറായി വിജയൻ നിർവഹിക്കും. ആരോഗ്യ, ആയുഷ്  മന്ത്രി കെ.കെ. ശൈലജടീച്ചർ ചടങ്ങിൽ അധ്യക്ഷത വഹിക്കും. വ്യവസായ, സ്പോർട്സ,് യുവജനകാര്യമന്ത്രി ഇ.പി. ജയരാജൻ മുഖ്യാതിഥിയാവും. തുറമുഖ, മ്യൂസിയം, പുരാവസ്തു, പുരാരേഖ വകുപ്പുമന്ത്രി രാമചന്ദ്രൻ കടന്നപ്പള്ളി വിശിഷ്ടാതിഥിയാവുന്ന ചടങ്ങിൽ ജില്ലയിൽ നിന്നുള്ള എം.പി.മാർ, എം.എൽ.എ.മാർ മറ്റ് ജനപ്രതിനിധികൾ, വകുപ്പ് തലവൻമാർ എന്നിവർ പങ്കെടുക്കും.

സംസ്ഥാന സര്‍ക്കാറിന്റെ ആയിരം ദിനാഘോഷത്തിന്റെ ഭാഗമായി വ്യവസായ വാണിജ്യ വകുപ്പ്, ജില്ലാ വ്യവസായ കേന്ദ്രം എന്നിവയുടെ നേതൃത്വത്തില്‍ സംഘടിപ്പിച്ച ജില്ലാതല നിക്ഷേപക സംഗമവും മടിക്കൈ ഗ്രാമ പഞ്ചായത്തിലെ 99 ഏക്കര്‍ റവന്യൂ ഭൂമിയുടെ രേഖ വ്യവസായ പാര്‍ക്കിനായി  കൈമാറുന്ന ചടങ്ങും  വ്യവസായികള്‍ക്കുള്ള ആനുകുല്യ വിതരണവും വ്യവസായ-വാണിജ്യ, കായിക യുവജനക്ഷേമ വകപ്പ് മന്ത്രി ഇ.പി ജയരാജന്‍ ഉദ്ഘാടനം ചെയ്തു.   പടന്നക്കാട് ബേക്കല്‍ ക്ലബില്‍ സംഘടിപ്പിച്ച പരിപാടിയില്‍ റവന്യൂ വകുപ്പ് മന്ത്രി ഇ ചന്ദ്രശേഖരന്‍ അധ്യക്ഷനായി. 

ജില്ല നിലവില്‍ വന്ന് 35 വര്‍ഷം പൂര്‍ത്തിയാകുമ്പോഴും  വ്യവസായ രഹിത ജില്ല എന്ന പേരുദോഷം മാറ്റാന്‍ നമുക്ക് ഇതുവരെ കഴിഞ്ഞില്ലെന്നും ചെറിയ സംരംഭങ്ങള്‍ ആരംഭിച്ചെങ്കിലും  കാസര്‍കോടിന്റെ വ്യവസായ ഭൂപടം പരിശോധിച്ചാല്‍ കാര്യമായ മാറ്റമൊന്നും വരുത്താന്‍ സാധിച്ചിട്ടില്ലെന്നും റവന്യൂ വകുപ്പ് മന്ത്രി ഇ ചന്ദ്രശേഖരന്‍ പറഞ്ഞു. പടന്നക്കാട് ബേക്കല്‍ ക്ലബില്‍ സംഘടിപ്പിച്ച  ജില്ലാതല നിക്ഷേപ സംഗമത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.