സംസ്ഥാന സര്‍ക്കാരിന്റെ ആയിരം ദിനാഘോഷങ്ങളുടെ ജില്ലാതല ഉദ്ഘാടനത്തിന് മുന്നോടിയായി നടന്ന സാംസ്‌കാരിക റാലി ജനപങ്കാളിത്തവും വ്യത്യസ്ഥതയും കൊണ്ട് ജനശ്രദ്ധയാകര്‍ഷിച്ചു.  വാദ്യമേളങ്ങളുടെ അകമ്പടിയോടെ നടന്ന സാംസ്‌കാരിക റാലിക്ക്  കഥകളി ദൃശ്യം, പുലികളി, വനിതകളുടെ പഞ്ചാരിമേളം തുടങ്ങിയവ മികവേകി. ലിംഗസമത്വവും അനാചാരങ്ങള്‍ക്കെതിരെ പോരാടി രക്തസാക്ഷിയായ നങ്ങേലിയുടെ കഥ ദൃശ്യാവിഷ്‌കരിച്ച് 'നങ്ങേലി മുതല്‍ ഞങ്ങള്‍ വരെ' എന്ന മുദ്രാവാക്യം ഉയര്‍ത്തുന്ന കുടുംബശ്രീയുടെ ഫ്‌ലോട്ട് അനാചാരങ്ങള്‍ക്കെതിരെയും ലിംഗസമത്വത്തിന്റെ ആവശ്യകതയും വിളിച്ചറിയിക്കുന്നതായിരുന്നു.

സര്‍ക്കാരിന്റെ 1000 ദിനാഘോഷ പരിപാടികളുടെ ഭാഗമായി ജില്ലയില്‍ നിര്‍മ്മിക്കുന്ന  തൊടുപുഴ സബ്രജിസ്ട്രാര്‍ ഓഫീസ് പുതിയ മന്ദിരത്തിന്റെ നിര്‍മ്മാണോദ്ഘാടനം  മുഖ്യമന്ത്രി പിണറായി വിജയന്‍ തിരുവനന്തപുരത്ത് നിന്ന്  വീഡിയോ കോണ്‍ഫറന്‍സിംഗ് മുഖേന നിര്‍ഹിച്ചു. ആധുനികവല്‍ക്കരണത്തോടെ രെജിസ്‌ട്രേഷന്‍ വകുപ്പ് അഴിമതി രഹിത മേഖല ആയി മാറുമെന്ന് മുഖ്യമന്ത്രി പറഞ്ഞു. നവീന സാങ്കേതിക വിദ്യകള്‍ ഉപയോഗിച്ച് കൂടുതല്‍ സുതാര്യമാകുകയും ജനസൗഹൃദമാകുമെന്നും അദ്ദേഹം കൂട്ടിച്ചേര്‍ത്തു. പൊതുമരാമത്ത് രെജിസ്‌ട്രേഷന്‍ വകുപ്പ് മന്ത്രി ജി സുധാകരന്‍ അദ്ധ്യക്ഷത വഹിച്ചു.

കോട്ടയം ഹൈഡ്രോളജി അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍