മലപ്പുറം ബിആര്‍സി ഉപജില്ല യു.പി വിഭാഗം കുട്ടികള്‍ക്കായി ഖൊഖൊടൂര്‍ണമെന്റ് സംഘടിപ്പിച്ചു. പൂക്കോട്ടൂര്‍ ഗവ. ഹയര്‍സെക്കന്‍ഡറി സ്‌കൂള്‍ ഗ്രൗണ്ടില്‍ നടന്ന മത്സരം ടിവി ഇബ്രാഹിം എം.എല്‍.എ ഉദ്ഘാടനം ചെയ്തു. ഉപജില്ലയിലെ വിവിധ സ്‌കൂളില്‍ നിന്നായി 14 ടീമുകള്‍ പങ്കെടുത്തു. കെ.ജി റസിയ, അനീസ് ബാബു, മുഹമ്മദലി, എം.എം ഷീബ, എം.ആര്‍ ഐശ്വര്യ, സുനന്ദ ദേവി, വി. കെരാജേഷ്, പി.ലത, അബ്ദുല്‍അസീസ്, മേരിസോണിയ തുടങ്ങിയവര്‍ നേതൃത്വം നല്‍കി.
പരിപാടിയില്‍ എ.ഇ.ഒ പി. ഹുസൈന്‍ അധ്യക്ഷനായിരുന്നു. ബി.പി.ഒ ടോമി മാത്യൂ, പ്രിന്‍സിപ്പാള്‍ വേണുഗോപാല്‍, കെ.അബ്ദുല്‍ അസീസ് തുടങ്ങിയവര്‍  സംസാരിച്ചു.

പെരിന്തല്‍മണ്ണ നഗരസഭയിലെ ഗവണ്‍മെന്റ് മോഡല്‍ ഹയര്‍ സെക്കന്‍ഡറി സ്‌കൂളിനെ  മികവിന്റെ കേന്ദ്രമാക്കുന്ന പ്രവര്‍ത്തി 70 ശതമാനം പൂര്‍ത്തിയായി. പ്രവര്‍ത്തി പൂര്‍ത്തിയായ രണ്ട് ലാബുകള്‍ നഗരസഭാ ചെയര്‍മാന്‍ എം.മുഹമ്മദ് സലീം  വിദ്യാര്‍ത്ഥികള്‍ക്ക് തുറന്നു കൊടുത്തു. അന്താരാഷ്ട്ര നിലവാരത്തില്‍ പണി പൂര്‍ത്തീകരിച്ച കെമിസ്ട്രി, ബയോളജി ലാബ് തുടങ്ങിയവയാണ്  വിദ്യാര്‍ത്ഥികള്‍ക്ക് തുറന്നു നല്‍കിയത്.

പ്രധാന്‍ മന്ത്രി ആവാസ് യോജന (ഗ്രാമീണ്‍) ഭവന നിര്‍മ്മാണ പദ്ധതിയുടെ പട്ടികയിലുള്‍പ്പെടുത്തുന്നതിനായി ആവിഷ്‌ക്കരിച്ച 'ആവാസ് ആപ്' എന്ന മൊബൈല്‍ ആപ്ലിക്കേഷനില്‍ ജിയോ ടാഗ് ചെയ്യുന്ന സമയ പരിധി മാര്‍ച്ച് ഏഴു വരെ ദീര്‍ഘിപ്പിച്ചു.

    ജില്ലാ പഞ്ചായത്ത് പ്രസിഡന്റിന്റെ അധ്യക്ഷതയില്‍ പി.എം.എ.വൈ(ജി), മഹാത്മാ ഗാന്ധി എന്‍.ആര്‍.ഇ.ജി.എസ്സ് തുടങ്ങിയ പദ്ധതികളുടെ ബന്ധപ്പെട്ട് ജില്ലയിലെ ഗ്രാമ,ബ്ലോക്ക് പഞ്ചായത്ത് പ്രസിഡന്റുമാരുടെ അവലോകന യോഗം ഇന്ന് (ഫെബ്രുവരി 21) ഉച്ചയ്ക്ക് രണ്ടിന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേരും.    

പൊന്നാനി താലൂക്ക് സപ്ലൈ ഓഫീസില്‍ ജൂണ്‍, ജൂലൈ മാസങ്ങളില്‍ അപേക്ഷ സമര്‍പ്പിച്ചിട്ടുളള പൊന്നാനി  നഗരസഭയിലുളളവര്‍ക്ക് ഫെബ്രുവരി 25, 26, 28 തീയതികളില്‍ പുതിയ റേഷന്‍ കാര്‍ഡ്, സര്‍ട്ടിഫിക്കറ്റുകള്‍ താലൂക്ക് സപ്ലൈ ഓഫീസില്‍ വിതരണം ചെയ്യും. പേര് നീക്കം ചെയ്യുന്നതിനും ഉള്‍പ്പെടുത്തുന്നതിനും, തെറ്റ് തിരുത്തുന്നതിനുമുളള റേഷന്‍ കാര്‍ഡുകളും കൈപ്പറ്റുന്ന വ്യക്തിയുടെ ആധാര്‍കാര്‍ഡും റേഷന്‍ കാര്‍ഡിന്റെ വിലയും അപേക്ഷ സമര്‍പ്പിച്ചപ്പോള്‍ ഓഫീസില്‍ നിന്ന് ലഭിച്ച രശീതും കൊണ്ടുവരണം.
ഫെബ്രുവരി- 25