2020 ഡിസംബറില്‍ നടക്കുന്ന ഫസ്റ്റ് സെമസ്റ്റര്‍ ബിഎഎസ് എല്‍ പി ഡിഗ്രി റെഗുലര്‍/ സപ്ലിമെന്ററി (2018 സ്‌കീം) തിയറി പരീക്ഷ 2020 ഡിസംബര്‍ 18 മുതല്‍ ആരംഭിക്കും. വിശദമായ പരീക്ഷാ ടൈംടേബിള്‍ പിന്നീട് അറിയിക്കും.

 രാഷ്ട്രത്തിന്റെ സ്വാതന്ത്യവും അഖണ്ഡതയും സംരക്ഷിക്കുന്നതിനും ശക്തിപ്പെടുത്തുന്നതിനും അര്‍പ്പണബോധത്തോടു കൂടി പ്രവര്‍ത്തിക്കുമെന്ന് ഞാന്‍ ദൃഢപ്രതിജ്ഞ ചെയ്യുന്നു. 
ഒരിക്കലും അക്രമമാര്‍ഗം  സ്വീകരിക്കില്ലെന്നും മതം, ഭാഷ, പ്രദേശം തുടങ്ങിയവ മൂലമുളള ഭിന്നതകളും തര്‍ക്കങ്ങളും മറ്റ് രാഷ്ട്രീയമോ സാമ്പത്തികമോ ആയ പരാതികളും സമാധാനപരവും വ്യവസ്ഥാപിതവും ആയ  മാര്‍ഗ്ഗങ്ങളിലൂടെ പരിഹരിക്കുമെന്നും ഞാന്‍ പ്രതിജ്ഞ  ചെയ്യുന്നു.
 

2020 ഡിസംബറില്‍ നടക്കുന്ന രണ്ടാം വര്‍ഷ ബിഡിഎസ് ഡിഗ്രി റെഗുലര്‍/ സപ്ലിമെന്ററി (2010 & 2016 സ്‌കീം) പരീക്ഷ, മൂന്നാം വര്‍ഷ ബിഡിഎസ് ഡിഗ്രി റെഗുലര്‍/ സപ്ലിമെന്ററി (2010 & 2016 സ്‌കീം) പരീക്ഷ എന്നിവക്ക് 2020 ഡിസംബര്‍ രണ്ടു വരെ ഓണ്‍ലൈന്‍ ആയി രജിസ്റ്റര്‍ ചെയ്യാം. പേപ്പറൊന്നിന് 110/ രൂപ ഫൈനോടുകൂടി ഡിസംബര്‍ മൂന്നു വരെയും 335/ രൂപ സൂപ്പര്‍ ഫൈനോടുകൂടി ഡിസംബര്‍ നാല് വരെയും ഓണ്‍ലൈന്‍ രജിസ്‌ട്രേഷന്‍
നടത്താം.

മലബാര്‍ ദേവസ്വം ബോര്‍ഡ് ക്ഷേത്രജീവനക്കാരുടെയും എക്‌സിക്യുട്ടീവ് ഓഫീസര്‍മാരുടെയും ക്ഷേമനിധി ഫണ്ടില്‍ നിന്നും ബാങ്ക് വഴി പെന്‍ഷന്‍/കുടുംബപെന്‍ഷന്‍ കൈപ്പറ്റുന്ന എല്ലാ പെന്‍ഷനര്‍മാരും വില്ലേജ് ഓഫീസര്‍/ഗസറ്റഡ് ഓഫീസര്‍/ബാങ്ക് മാനേജര്‍/ക്ഷേമനിധി ബോര്‍ഡ് മെമ്പര്‍ ഒപ്പിട്ട ലൈഫ് സര്‍ട്ടിഫിക്കറ്റ് ബാങ്ക് അക്കൗണ്ട് നമ്പര്‍, മേല്‍വിലാസം, ടെലിഫോണ്‍ നമ്പര്‍ എന്നിവ സഹിതം ഈ മാസം (നവംബര്‍)  30 ന് മുമ്പായി സെക്രട്ടറി, മലബാര്‍ ക്ഷേത്ര ജീവനക്കാരുടെയും എക്‌സിക്യുട്ടീവ് ഓഫീസര്‍മാരുടെയും ക്ഷേമനിധി, ഹൗസ്‌ഫെഡ് കോംപ്ലക്‌സ്, എരഞ്ഞിപ്പാലം പി.ഒ., കോഴിക്കോട്-673006, ഫോണ്‍:0495-2360720 എന്ന വിലാസത്തില്‍ അയക്കണം.

ചെറിയമുണ്ടം ഗവ.ഐ.ടി.ഐ യില്‍ മെക്കാനിക്ക് ഡീസല്‍ ട്രേഡില്‍ എസ്.ടി വിഭാഗം സീറ്റില്‍ ഒരു ഒഴിവുണ്ട്.  താല്‍പര്യമുള്ള എസ്.ടി വിഭാഗത്തില്‍ നിന്നുള്ള അപേക്ഷകര്‍ ഇന്ന് (നവംബര്‍ 20) ന് ഒരു മണിക്ക് മുമ്പായി അസ്സല്‍ രേഖകളുമായി ഐ.ടി.ഐയില്‍ എത്തിച്ചേരണം.

വിദ്യാഭ്യാസ വകുപ്പില്‍ എല്‍പി സ്‌കൂള്‍ അധ്യാപിക (മലയാളം മീഡിയം) (കാറ്റഗറി നമ്പര്‍. 516/2019) എല്‍പി സ്‌കൂള്‍ അസിസ്റ്റന്റ് (മലയാളം മീഡിയം) (കാറ്റഗറി നമ്പര്‍. 302/2017, 303/17, 304/17) തസ്തികകളിലേക്കുള്ള  ഒ.എം.ആര്‍ പരീക്ഷ നവംബര്‍ 24 ചൊവ്വാഴ്ച 10.30 മുതല്‍ 12.15 വരെ ജില്ലയിലെ 32 പരീക്ഷ കേന്ദ്രങ്ങളില്‍ നടത്തും.

നവംബര്‍ മാസത്തേക്കുള്ള സൗജന്യ ഭക്ഷ്യകിറ്റ് വിതരണം ആരംഭിച്ചു. എ.എ.വൈ കാര്‍ഡുടമകള്‍ക്കുള്ള ഭക്ഷ്യകിറ്റ് വിതരണമാണ് ആരംഭിച്ചിരിക്കുന്നത്. നവംബര്‍ 23 മുതല്‍ പി.എച്ച്.എച്ച് (മുന്‍ഗണന) കാര്‍ഡുടമകള്‍ക്കും നവംബര്‍ 27 മുതല്‍ എന്‍.പി.എസ് /എന്‍.പി.എന്‍.എസ് കാര്‍ഡുടമകള്‍ക്കും കിറ്റ് വിതരണം തുടങ്ങുമെന്ന് ജില്ലാ സപ്ലൈ ഓഫീസര്‍ അറിയിച്ചു.
 

 ജില്ലാ പഞ്ചായത്ത് -  70
ബ്ലോക്ക് പഞ്ചായത്തുകള്‍ - 480
ഗ്രാമപഞ്ചായത്തുകള്‍ - 2766
നഗരസഭകള്‍- 350.
 എന്നിങ്ങനെയാണ് ഇന്ന് (19.11) ലഭിച്ച നാമനിര്‍ദ്ദേശപത്രികകളുടെ എണ്ണം.

തദ്ദേശ ഭരണ സ്ഥാപന തിരഞ്ഞെടുപ്പ് നാമനിര്‍ദ്ദേശ പത്രികാ സൂക്ഷ്മപരിശോധന കോവിഡ് - 19 മാനദണ്ഡങ്ങള്‍ പുറപ്പെടുവിച്ചു.
1. സൂക്ഷ്മപരിശോധനയ്ക്ക് സൗകര്യപ്രദമായതും വായുസഞ്ചാരം ഉള്ളതുമായ ഹാള്‍ ആയിരിക്കണം ഉപയോഗിക്കേണ്ടത്. മുന്‍കൂട്ടി അണുവിമുക്തം ആക്കണം.