സി.ബി.എസ്.സി നടത്തിയ പന്ത്രണ്ടാം ക്ലാസ് പരീക്ഷയില്‍ കല്‍പ്പറ്റ കേന്ദ്രീയ വിദ്യാലയം നൂറ് ശതമാനം വിജയം കൈവരിച്ചു. പരീക്ഷ എഴുതിയ 25 വിദ്യാര്‍ത്ഥികളില്‍ 19 പേര്‍ ഡിസ്റ്റിംഗ്ഷന്‍ നേടി. 

സ്വകാര്യ സ്ഥാപനങ്ങളിലേക്ക് അഭിമുഖം
        സ്വകാര്യ സ്ഥാപനങ്ങളിലെ ഒഴിവുകളിലേക്ക് ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്ററില്‍ അഭിമുഖം നടത്തുന്നു. താല്‍പര്യമുള്ള ഉദ്യോഗാര്‍ഥികള്‍ക്ക് തിരിച്ചറിയല്‍ കാര്‍ഡിന്റെ പകര്‍പ്പും 250 രൂപയും സഹിതം എംപ്ലോയബിലിറ്റി സെന്ററില്‍ പേര് രജിസ്റ്റര്‍ ചെയ്ത് മെയ് നാലിന് രാവിലെ 10 മണി മുതല്‍ ഉച്ചയ്ക്ക് ഒരു മണി വരെ നടക്കുന്ന അഭിമുഖത്തില്‍ പങ്കെടുക്കാം. നിലവില്‍ രജിസ്റ്റര്‍ ചെയ്ത ഉദ്യോഗാര്‍ഥികള്‍ക്കും അവസരം ലഭിക്കുന്നതാണ്. അഞ്ചോളം കമ്പനികള്‍ പങ്കെടുക്കും.  ഫോണ്‍. 0497 2700831

    24 ഏക്കര്‍ വരുന്ന പച്ചത്തുരുത്തിനായി നഴ്‌സറി ഒരുക്കാന്‍ വിത്തുകള്‍ തേടി പരിയാരം  ഗ്രാമ പഞ്ചായത്ത് വിത്ത് നിറ പരിപാടി സംഘടിപ്പിക്കുന്നു. കുടുംബശ്രീ, തൊഴില്‍ ഉറപ്പു പദ്ധതി പ്രവര്‍ത്തകര്‍, സന്നദ്ധ പ്രവര്‍ത്തകര്‍, പരിസ്ഥിതി പ്രവര്‍ത്തകര്‍ എന്നിവരുടെ നേതൃത്വത്തില്‍ മെയ് അഞ്ചിന് വിത്തുകള്‍ ശേഖരിക്കും. നാടന്‍ മരങ്ങള്‍, ഫല വൃക്ഷ വിത്തുകള്‍ തുടങ്ങിയവയാണ് ശേഖരിക്കുക. ഇവ മെയ് പത്തിന്  ഗ്രാമ പഞ്ചായത്തിന് കൈമാറും. കൂടുതല്‍ വിത്തുകള്‍ ശേഖരിക്കുന്നവരെ ആദരിക്കാനും പഞ്ചായത്ത് പ്രസിഡണ്ടിന്റെ നേതൃത്വത്തില്‍ ചേര്‍ന്ന പഞ്ചായത്തുതല യോഗത്തില്‍ തീരുമാനിച്ചു.

    തരിശു ഭൂമിയില്‍ പച്ചപ്പ് ഒരുക്കാനുള്ള ഹരിത കേരളം മിഷന്‍ പ്രവര്‍ത്തനമായ പച്ചത്തുരുത്ത് പദ്ധതിക്ക് ജില്ലയില്‍ ആവേശകരമായ പ്രതികരണം. തരിശൂ ഭൂമിയില്‍ വൃക്ഷങ്ങളും ചെടികളും വെച്ച് പിടിപ്പിച്ചു സംരക്ഷിക്കുന്ന പ്രവര്‍ത്തനമാണ് പച്ചത്തുരുത്ത്. 
ജില്ലയില്‍ 18 തദ്ദേശ സ്വയം ഭരണ സ്ഥാപനങ്ങളില്‍  ഇതിനകം പച്ചത്തുരുത്ത് പദ്ധതി ആരംഭിച്ചു.  ജില്ലയിലെ ഉദയഗിരി പഞ്ചായത്താണ് ഈ പദ്ധതി ആദ്യം നടപ്പിലാക്കിയത്.  ഈ  മാതൃകയാണ് സംസ്ഥാനമാകെ നടപ്പിലാക്കുന്നത്.

തോട്ടപ്പള്ളി സ്പിൽവേ, തണ്ണീർമുക്കം ബണ്ട് എന്നിവയുടെ സുഗമമായ പ്രവർത്തനത്തിന് സ്വീകരിക്കേണ്ട അടിയന്തിര തുടർനടപടികൾ സംബന്ധിച്ച് തീരുമാനമായി. തോട്ടപ്പള്ളി സ്പിൽവേയിൽ നിന്നുള്ള ലീഡിംഗ് ചാനൽ വന്നുചേരുന്ന അഴിമുഖത്തെ പുഴക്ക് സമാന്തരമായി വെള്ളമൊഴുക്കിന് തടസ്സമായ മരങ്ങൾ ഡിസാസ്റ്റർ മാനേജ്‌മെന്റ് ആക്ട് പ്രകാരം അടിയന്തരമായി മുറിച്ചുമാറ്റും.  

തോട്ടപ്പള്ളി പൊഴിയിൽ അടിഞ്ഞുകൂടിയ സാന്റ് ബാർ നീക്കംചെയ്യാൻ എല്ലാവർഷത്തേയും പോലെ ടെൻഡർ വിളിച്ചിട്ടുണ്ട്.  ജൂൺ ഒന്നിനു മുമ്പ് പണി പൂർത്തിയാക്കാൻ നടപടിയെടുക്കും.  

സർഫാസി നിയമം മൂലം സംസ്ഥാനത്ത് ഉളവായിട്ടുള്ള അവസ്ഥാവിശേഷങ്ങൾ പഠിച്ച് ശുപാർശ സമർപ്പിക്കുന്നതിനായി രൂപീകരിക്കപ്പെട്ട എസ്.ശർമ്മ എം.എൽ.എ ചെയർമാനായുള്ള നിയമസഭാ അഡ്‌ഹോക് കമ്മിറ്റി മേയ് ആറിന് രാവിലെ 11 ന് കല്പറ്റ പി.ഡബ്ല്യു.ഡി. റസ്റ്റ് ഹൗസ് കോൺഫറൻസ് ഹാളിൽ ചേരാനിരുന്ന തെളിവെടുപ്പ് യോഗം മാറ്റിവച്ചു.

പി.എൻ.എക്സ്. 1206/19

കേരള നിയമസഭയുടെ പാർലമെന്ററി പഠന പരിശീലന കേന്ദ്രം നടത്തുന്ന സർട്ടിഫിക്കറ്റ് കോഴ്‌സിന്റെ (സർട്ടിഫിക്കറ്റ് കോഴ്‌സ് ഇൻ പാർലമെന്ററി പ്രാക്ടീസ് ആന്റ് പ്രൊസീജ്യർ) വാചാ പരീക്ഷ മേയ് ഒൻപത്, 16, 18 തിയതികളിൽ നിയമസഭാ സമുച്ചയത്തിൽ നടത്തും. കൂടുതൽ വിവരങ്ങൾക്ക്: www.niyamasabha.org.

പി.എൻ.എക്സ്. 1205/19