നെന്മേനി ഗവ.വനിത ഐ.ടി.ഐ.യില്‍ ഡ്രാഫ്റ്റ്സ്മാന്‍ സിവില്‍, ഫാഷന്‍ ഡിസൈന്‍ ആന്‍ഡ് ടെക്നോളജി ട്രേഡുകളിലേക്ക് അപേക്ഷിക്കുന്നതിനുള്ള തീയതി നവംബര്‍ 12 വരെ നീട്ടി.  ഫോണ്‍ 04936 266700.

വൈത്തിരി പുഴയ്ക്ക് കുറുകെ പഴയ വൈത്തിരിയില്‍ പുഴയ്ക്ക് ഇരുവശവുമായി നിര്‍മ്മിക്കുന്ന തടയണയുടെ നിര്‍മാണോദ്ഘാടനം ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി നിര്‍വ്വഹിച്ചു. കബനി നദിയിലെ ജല സംഭരണം ഉദ്ദേശിച്ച് സംസ്ഥാന സര്‍ക്കാര്‍ നടപ്പിലാക്കുന്ന കാവേരി ബേസിന്‍ പ്രൊജക്ട് - കബനി സബ് ബേസിന്‍ പദ്ധതിയില്‍ ഉള്‍പ്പെടുത്തിയാണ് തടയണ നിര്‍മ്മിക്കുന്നത്. സി.കെ. ശശീന്ദ്രന്‍ എം.എല്‍.എ അദ്ധ്യക്ഷത വഹിച്ചു.

*ടൂറിസം വകുപ്പിന്റെ പിന്തുണയോടെ രണ്ടാംഘട്ടം ഉടന്‍ പൂര്‍ത്തിയാക്കും- മന്ത്രി*

· 87 പേര്‍ക്ക് രോഗമുക്തി
· 143 പേര്‍ക്ക് സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (04.11.20) 151 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 87 പേര്‍ രോഗമുക്തി നേടി. ഒരു ആരോഗ്യ പ്രവര്‍ത്തകന്‍ ഉള്‍പ്പെടെ 143 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 10 പേരുടെ സമ്പര്‍ക്ക ഉറവിടം വ്യക്തമല്ല. 8 പേര്‍ ഇതര സംസ്ഥാനത്തു നിന്നും വിദേശത്തു നിന്നുമായി എത്തിയതാണ്.

പനമരം അഡീഷണല്‍ (പുല്‍പ്പള്ളി) ഐ.സി.ഡി.എസ്. ഓഫീസിനു കീഴിലെ 22 അങ്കണവാടികളിലേക്ക് ഫര്‍ണിച്ചര്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു.  ടെണ്ടര്‍ നവംബര്‍ 12 ന് ഉച്ചയ്ക്ക് 1 വരെ സ്വീകരിക്കും.

ഇടുക്കി ജില്ലയില്‍ ഉടുമ്പന്‍ചോല താലൂക്കില്‍ പാമ്പാടുംപാറ വില്ലേജാഫീസ് പരിസരത്ത്  നിന്നും മുറിച്ചു മാറ്റിയ ഇലവുമരത്തിന്റെ തടികള്‍ ഡിസംബര്‍ 16  ന് 12 മണിയ്ക്ക് പാമ്പാടുംപാറ വില്ലേജ് ഓഫീസില്‍ പരസ്യമായി ലേലം ചെയ്ത് വില്‍ക്കും. കൂടുതല്‍  വിവരങ്ങള്‍ക്ക് പാമ്പാടുംപാറ വില്ലേജ് ഓഫീസുമായി ബന്ധപ്പെടുക.

കട്ടപ്പന നഗരസഭ പ്രദേശത്ത് വിവിധ ആശുപത്രികളില്‍ 22.06.2015 ന് മുമ്പ് ജനിച്ചതും നാളിതുവരെ ജനന രജിസ്റ്ററില്‍ പേര് ചേര്‍ത്ത് സര്‍ട്ടിഫിക്കറ്റ് വാങ്ങാത്തവരും 22.06.2021 ന് മുന്‍പ് ജനന രജിസ്റ്ററില്‍ പേര് ചേര്‍ക്കുന്നതിനുള്ള  അവസരം പ്രയോജനപ്പെടുത്തണമെന്ന് നഗരസഭ ജനന-മരണ വിവാഹ രജിസ്ട്രാര്‍ ആറ്റ്‌ലി. പി.ജോണ്‍ അറിയിച്ചു. മുന്‍പ് പേര് ചേര്‍ത്ത് സര്‍ട്ടിഫിക്കറ്റ് വാങ്ങിയിട്ടുള്ളവര്‍ വീണ്ടും അപേക്ഷിക്കേണ്ടതില്ല. ജനനം നടന്ന പ്രദേശത്തെ തദ്ദേശസ്വയംഭരണ സ്ഥാപനങ്ങളിലെ രജിസ്ട്രാര്‍ മുന്‍പാകെയാണ് അപേക്ഷ സമര്‍പ്പിക്കേണ്ടതെന്നും നഗരസഭ ജനന-മരണ വിവാഹ രജിസ്ട്രാര്‍ അറിയിച്ചു.
 

പാര്‍ശ്വവല്‍കൃത സമൂഹങ്ങളില്‍ നിന്നുള്ള വിദ്യാര്‍ത്ഥികളുടെ കലാകായിക മേഖലയിലെ വളര്‍ച്ചയും പുരോഗതിയും ലക്ഷ്യമാക്കി സമഗ്രശിക്ഷാ കേരളം നടപ്പിലാക്കുന്ന നാട്ടരങ്ങിന്റെ സംസ്ഥാനതല ഉദ്ഘാടനം.പൊതുവിദ്യാഭ്യാസ വകുപ്പ് മന്ത്രി പ്രൊഫ. സി രവീന്ദ്രനാഥ് ഇന്ന് (നവംബര്‍ 5) രാവിലെ 11 മണിക്ക് ഓണ്‍ലൈനായി നിര്‍വ്വഹിക്കും..  ഇടുക്കി ജില്ലയിലെ കട്ടപ്പന കോവില്‍മല ഐ.ടി.ഡി.പി സാമൂഹ്യ പഠനകേന്ദ്രത്തിലാണ് ഉദ്ഘാടന ചടങ്ങുകള്‍ നടക്കുന്നത്. 

വികസനത്തിന്റെ പുതിയ അധ്യായങ്ങള്‍ രചിച്ച് സംസ്ഥാന തലത്തില്‍ തന്നെ ഏറെ പ്രശംസ നേടിയ ബ്ലോക്ക് പഞ്ചായത്താണ് തൊടുപുഴ. പരിമിതമായ വികസന ഫണ്ട് പരമാവധി പ്രയോജനപ്പെടുത്തി വ്യത്യസ്ത പദ്ധതികള്‍ ആവിഷ്‌കരിക്കാനും നടപ്പാക്കാനും ഈ കാലയളവില്‍ ബ്ലോക്ക് പഞ്ചായത്ത് ഭരണ സമിതിക്കായി. നിലവിലെ  ഭരണ സമിതിയുടെ നേതൃത്വത്തില്‍ വികസനത്തിന്റെ നവീനമായ നിരവധി പദ്ധതികളാണ് ബ്ലോക്ക് പരിധിയിലെ വിവിധ ഗ്രാമപഞ്ചായത്തുകളിലായി യാതാര്‍ഥ്യമാക്കിയത്.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗമായിരിക്കെ പെട്ടിമുടിയില്‍ ഉണ്ടായ ദുരന്തത്തില്‍ മരണമടഞ്ഞ ഗണേശന്‍ എന്ന തൊഴിലാളിയുടെ പെണ്‍മക്കള്‍ക്കുളള ധനസഹായവും റീഫണ്ടും തൊടുപുഴയില്‍ ഇടുക്കി ജില്ലാ ക്ഷേമനിധി ഓഫീസില്‍ ചേര്‍ന്ന ചടങ്ങില്‍ ബോര്‍ഡ് ചെയര്‍മാന്‍ അഡ്വ. എം.എസ് സ്‌കറിയ വിതരണം ചെയ്തു. ചടങ്ങില്‍ അക്കൗണ്ട്‌സ് ഓഫീസര്‍ കലേഷ് പി. കുറുപ്പ്, ജില്ലാ എക്‌സിക്യൂട്ടീവ് ഓഫീസിര്‍ മനോജ് സെബാസ്റ്റ്യന്‍, ഉപദേശക സമിതി അംഗങ്ങള്‍ എന്നിവര്‍ പങ്കെടുത്തു. ഗണേശനൊപ്പം  ഭാര്യയും  ദുരന്തത്തില്‍ മരണപ്പെട്ടു.