വിദ്യാഭ്യാസ പരിശീലന കേന്ദ്രം ഡയറ്റിന്റെയും ജില്ലാ സാക്ഷരതാ മിഷന്റെയും നേതൃത്വത്തില്‍ ജില്ലാ പഞ്ചായത്തിന്റെ ഐ.ടി സ്‌കൂളില്‍ നടത്തുന്ന പ്രേരക്മാര്‍ക്കുള്ള കമ്പ്യൂട്ടര്‍ പരിശീലനം ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍മാന്‍ മുക്കം മുഹമ്മദ് ഉദ്ഘാടനം ചെയ്തു.ഡയറ്റ് ലക്ചര്‍ സോഫിയ കെ.എം,  സാക്ഷരതാ മിഷന്‍ ജില്ലാ കോ-ഓര്‍ഡിനേറ്റര്‍ ആശംസാ പ്രസംഗ നടത്തി. ജില്ലാ  സാക്ഷതതാ മിഷന്‍ അസിസ്റ്റന്റ് കോ-ഓര്‍ഡിനേറ്റര്‍ രാധാകൃഷ്ണന്‍.വി നന്ദി രേഖപ്പെടുത്തി.

        മഞ്ഞപ്പിത്തത്തിനെതിരെ ജനങ്ങള്‍ ജാഗരൂകരായിരിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ. ജേക്കബ് വര്‍ഗ്ഗീസ് അറിയിച്ചു. മഞ്ഞപ്പിത്തം തടയാന്‍ ജനപങ്കാളിത്തം ആവശ്യമാണ്. കിടങ്ങൂര്‍, അതിരമ്പുഴ, എസ്എച്ച്മൗണ്ട്, കാഞ്ഞിരപ്പള്ളി ചങ്ങനാശേരി എന്നിവിടങ്ങളിലാണ് കഴിഞ്ഞ രണ്ടു വര്‍ഷങ്ങളില്‍ മഞ്ഞപ്പിത്തം കൂടുതല്‍ റിപ്പോര്‍ട്ട് ചെയ്തത്. ജലത്തിലൂടെ പകരുന്ന ഒരു പകര്‍ച്ച വ്യാധിയാണ് മഞ്ഞപ്പിത്തം. കക്കൂസ് മാലിന്യം കുടിവെള്ളത്തില്‍ കലര്‍ന്ന് ശരീരത്തില്‍ പ്രവേശിക്കുന്നതിലൂടെയാണ് രോഗം ബാധിക്കുന്നത്.  

    തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികള്‍ക്ക് ക്ഷേമനിധി ഏര്‍പ്പെടുത്തുന്നതിന്റെ ഭാഗമായി വിവരങ്ങള്‍ ക്രോഡീകരിക്കുന്നതിലേക്ക് പാമ്പാടി ബ്ലോക്ക് പഞ്ചായത്തിലെ മുന്‍ ജനപ്രതിനിധികള്‍ ബ്ലോക്ക് പഞ്ചായത്ത് ഓഫീസുമായി നേരിട്ടോ ഫോണ്‍ മുഖേനയോ ബന്ധപ്പെടണമെന്ന് ബ്ലോക്ക് പഞ്ചായത്ത് സെക്രട്ടറി അറിയിച്ചു. ഫോണ്‍: 0481 2551060 

                                                       (കെ.ഐ.ഒ.പി.ആര്‍-315/19)  

    തിരുവാര്‍പ്പ് ഗവ. ഐ.ടി.ഐയില്‍  എംപ്ലോയബിലിറ്റി സ്‌കില്‍സ് ഇന്‍സ്ട്രക്ടര്‍ തസ്തികയില്‍ ഉളള താത്കാലിക ഒഴിവിലേക്ക് പാര്‍ട്ട് ടൈം ഗസ്റ്റ് ഇന്‍സ്ട്രക്ടറെ നിയമിക്കുന്നു. ബി.ബി.എ/എംബിഎ ബിരുദം അല്ലെങ്കില്‍ ഇക്കണോമിക്‌സ്, സോഷ്യോളജി, സോഷ്യല്‍ വെല്‍ഫയര്‍ എന്നിവയില്‍ ബിരുദവും രണ്ട് വര്‍ഷ പ്രവൃത്തി പരിചയവുമാണ് യോഗ്യത. താത്പര്യമുളളവര്‍ വയസ്, യോഗ്യത, പ്രവൃത്തി പരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം ഫെബ്രുവരി 25 രാവിലെ 10.30ന്  ഐടിഐ ഓഫീസില്‍ ഹാജരാകണം. ഫോണ്‍:0481 2380404 

    കോട്ടയം ജില്ലയില്‍ ഇന്‍ഷുറന്‍സ് മെഡിക്കല്‍ സര്‍വ്വീസസ് വകുപ്പില്‍ ആക്‌സിലറി നഴ്‌സ് മിഡ്  വൈഫ് (കാറ്റഗറി നമ്പര്‍ 339/16) തസ്തികയുടെ അഭിമുഖം ഫെബ്രുവരി 27, 28 തീയതികളില്‍ കോട്ടയം ജില്ലാ പി.എസ്.സി ഓഫീസില്‍ നടക്കും. ഉദ്യോഗാര്‍ത്ഥികള്‍ക്ക് പ്രൊഫൈലില്‍ മെസേജും മെമ്മോയും അയച്ചിട്ടുണ്ട്. 

    കോട്ടയം താലൂക്കിലെ താലൂക്ക് വികസന സമിതി യോഗം മാര്‍ച്ച് 2 രാവിലെ 10.30ന് താലൂക്കാഫീസില്‍ ചേരും. 

                                                       (കെ.ഐ.ഒ.പി.ആര്‍-312/19)  

     കുടിവെള്ള പ്രശ്‌നത്തിന് അടിയന്തര പരിഹാരം ഒരുക്കി പ്രവാസി ഭാരതീയര്‍ (കേരളീയര്‍) കമ്മീഷന്‍ സിറ്റിംഗ്.  പൊന്‍കുന്നം ചിറക്കടവ് പഞ്ചായത്തിലെ അഞ്ചാം വാര്‍ഡില്‍ പ്രവാസിയുടെ കുടുംബത്തിന് ഗ്രാമപഞ്ചായത്തിന്റെ കുടിവെള്ള സംഭരണിയില്‍ നിന്നും വെള്ളം നല്‍കാന്‍ ഉപഭോക്തൃസമിതി കണ്‍വീനര്‍ തയാറായിരുന്നില്ല. ഗ്രാമ പഞ്ചായത്തില്‍ പരാതി നല്‍കിയിട്ടും സ്വീകരിച്ചില്ല എന്നായിരുന്നു കമ്മീഷന് മുന്നില്‍ വന്ന പരാതി. അന്വേഷണം നടത്തി അടിയന്തര റിപ്പോര്‍ട്ട് നല്‍കണമെന്ന് ഗ്രാമപഞ്ചായത്ത് സെക്രട്ടറിയോട് ആവശ്യപ്പെട്ടു. 

സംസ്ഥാന സര്‍ക്കാരിന്റെ 1000 ദിന പരിപാടികളോടനുബന്ധിച്ച് സാമൂഹ്യനീതി വകുപ്പിന് കീഴിലുള്ള പൊതുമേഖലാ സ്ഥാപനമായ കേരള സംസ്ഥാന വികലാംഗ ക്ഷേമ കോര്‍പ്പറേഷന്‍ കോട്ടയം ജില്ലയില്‍ ഭിന്നശേഷിക്കാര്‍ക്കായി സഹായ ഉപകരണ നിര്‍ണ്ണയ വിതരണക്യാമ്പ് നടത്തുന്നു. ഫെബ്രുവരി 24ന് രാവിലെ 9 മുതല്‍ നാഗമ്പടം മൈതാനത്താണ് ക്യാമ്പ് നടക്കുക. ക്യാമ്പില്‍ പങ്കെടുക്കുന്നവര്‍ മെഡിക്കല്‍ ബോര്‍ഡ് നല്‍കിയ ഭിന്നശേഷി സര്‍ട്ടിഫിക്കറ്റും ആധാര്‍കാര്‍ഡും റേഷന്‍ കാര്‍ഡും(ഒറിജിനലും 2 കോപ്പിയും) 2 പാസ്‌പോര്‍ട്ട് സൈസ് ഫോട്ടോയും സഹിതം ഹാജരാകണം. ഡോക്ടര്‍മാരുടെ നിര്‍ദേശ പ്രകാരമായിരിക്കും ഉപകരണങ്ങള്‍ വിതരണം ചെയ്യുക.